ထန်းတပင်မြို့နယ်၌ ဆောင်းသီးနှံ(နေကြာ)နှင့် နွေစပါးများ မျိုးစေ့ချကိရိယာဖြင့် လက်တွေ့စိုက်ပျိုးပြသ

 



ရန်ကုန် နိုဝင်ဘာ ၂၇

ရန်ကုန်တိုင်းဒေသကြီး ထန်းတပင်မြို့နယ်အတွင်းရှိ ဒေသခံတောင်သူများအား ရေဆင်း စပ်မျိုးနေကြာ(၁)အား မျိုးစေ့ချ စက်ဖြင့် လက်တွေ့စိုက်ပျိုးပြသပေးခြင်းနှင့် မျိုးစေ့ချကိရိယာဖြင့် နွေစပါး လက်တွေ့စိုက်ပျိုးပြသပေးခြင်း  အခမ်းအနားကို ယနေ့နံနက်ပိုင်းက ရေဖြူကျေးရွာအုပ်စုရှိ စက်မှုလယ်ယာ စနစ်ကျ လယ်ယာမြေအဖြစ် အကောင်အထည်ဖော် ဆောင်ရွက်ထားသည့် ဧက ၁၅၀ ၌ ကျင်းပသည်။

အခမ်းအနားတွင် ရန်ကုန်တိုင်း ဒေသကြီး စိုက်ပျိုးရေးဦးစီးဌာန တိုင်းဒေသကြီးဦးစီးမှူး ဦးတင့်နိုင် က အမှာစကားပြောကြားပြီး တိုင်းဒေသကြီးဦးစီးမှူး ဦးတင့်နိုင်၊ ရန်ကုန်တိုင်းဒေသကြီး မွေးမြူရေးနှင့် ကုသရေးဦးစီးဌာန တိုင်းဒေသကြီးဦးစီးမှူး  ဒေါက်တာ အောင်မြင့်ဟန်၊   မှော်ဘီခရိုင် စီမံခန့်ခွဲရေးနှင့် အုပ်ချုပ်ရေး ကော်မတီအဖွဲ့ဝင် ဒုတိယဗိုလ်မှူးကြီး ဝေမိုးအောင်၊ ခရိုင်အဆင့် ဌာနဆိုင်ရာ တာဝန်ရှိသူများနှင့် မြို့နယ်တာဝန်ရှိသူများက ဒေသခံ တောင်သူများထံသို့ နွေစပါး မျိုးစေ့ချကိရိယာ ဓာတ်မြေသြဇာနှင့်   ပျားပုံးများပေးအပ်ခဲ့ကြသည်။

ဆက်လက်၍ မြို့နယ်တာဝန် ရှိသူများက ဒေသခံတောင်သူများ အား မျိုးစေ့ချကိရိယာဖြင့် နွေစပါး လက်တွေ့စိုက်ပျိုးပြသပေးနေမှုနှင့် ရေဆင်းစပ်မျိုး ဆောင်းသီးနှံ (နေကြာ)ကို မျိုးစေ့ချစက်ဖြင့် လက်တွေ့ စိုက်ပျိုးပြသပေးနေမှု  တို့ကို လှည့်လည်ကြည့်ရှုအားပေးခဲ့ကြောင်း သိရသည်။

ဇင်မင်းထိုက်(ထန်းတပင်)

No comments

Powered by Blogger.