သက်ကြီးသတင်းစာပညာရှင်ကြီးများအတွက် ဒုတိယအကြိမ် ကူညီလှူဒါန်းပွဲ ကျင်းပမည်

 

နေပြည်တော် နိုဝင်ဘာ ၂၇

 

မြန်မာနိုင်ငံသတင်းမီဒီယာကောင်စီကဦးစီး၍ သက်ကြီးသတင်းစာပညာရှင်ကြီးများအတွက် ပထမအကြိမ် ကူညီလှူဒါန်းမှုကို ၂၀၂၅ ခုနှစ် ဇန်နဝါရီလက ပြုလုပ်ခဲ့ပြီး ၂၀၂၆ ခုနှစ် ဇန်နဝါရီလတွင် ဒုတိယအကြိမ် ကူညီလှူဒါန်းမှုပြုလုပ်နိုင်ရန်အတွက် အလှူငွေပေးအပ် လှူဒါန်းပွဲကို နိုဝင်ဘာ ၂၆ ရက်က ရန်ကုန်မြို့ ကုန်သည်လမ်းရှိ မြန်မာနိုင်ငံသတင်းမီဒီယာကောင်စီရုံး၌ ကျင်းပသည်။

 

လှူဒါန်းပွဲတွင် မြန်မာနိုင်ငံသတင်းမီဒီယာကောင်စီက မတည်လှူဒါန်းငွေကျပ် ၁၀ သိန်းနှင့် ကောင်စီဝင်များ စုပေါင်းလှူဒါန်းငွေကျပ် ၂၅ သိန်း စုစုပေါင်းငွေကျပ် ၃၅ သိန်းကို မြန်မာနိုင်ငံသတင်းမီဒီယာကောင်စီဥက္ကဋ္ဌ ဒေါက်တာတင်ထွန်းဦးနှင့်အဖွဲ့ဝင်များက သတင်းမီဒီယာ ဖွံ့ဖြိုးရေးကော်မတီခေါင်းဆောင် ဦးခင်မောင်ကျော်ဒင်ထံ ပေးအပ်သည်။

 

သက်ကြီးသတင်းစာပညာရှင်ကြီးများအား ဒုတိယအကြိမ် ထောက်ပံ့လှူဒါန်းပွဲတွင် ပါဝင်လှူဒါန်းလိုပါက မြန်မာနိုင်ငံသတင်းမီဒီယာကောင်စီ အမှတ် ၃၉၂ - ၃၉၆ ကုန်သည်လမ်း (၉)ရပ်ကွက် ဗိုလ်တထောင်မြို့နယ် ရန်ကုန်မြို့ ဖုန်း ၀၉-၄၂၉၂၅၈၇၁၉၊ ၀၉-၄၄၈၀၂၆၃၂၆ သို့ ဆက်သွယ်လှူဒါန်းနိုင်ကြောင်း သိရသည်။

သတင်းစဉ်