နီပေါနိုင်ငံသို့ နိုင်ငံခြားခရီးသွား ၁ သန်းကျော် ဝင်ရောက်
ဒီဇင်ဘာ ၂
နီပေါနိုင်ငံသို့ ၂၀၂၅ ခုနှစ် နိုဝင်ဘာလအထိ နိုင်ငံခြားခရီးသွားတစ်သန်းကျော်
ရောက်ရှိလာကြောင်း နီပေါခရီးသွားလုပ်ငန်းဘုတ်အဖွဲ့ အင်န်တီဘီ(NTB) က ယမန်နေ့က ပြောကြားခဲ့သည်။
ဟိမဝန္တာဒေသသို့ ယခုနှစ်
ဇန်နဝါရီလမှ နိုဝင်ဘာလအထိ နိုင်ငံခြားခရီးသွား ၁၀၆၀၂၆၉ ဦး လာရောက်လည်ပတ်မှုရှိရာ ၂၀၂၄
ခုနှစ်က နိုင်ငံခြားခရီးသွား ၁၀၅၅၅၂၀ ဦးဝင်ရောက်မှုမှ အနည်းငယ်တိုးလာခြင်းဖြစ်သည်ဟု
အင်န်တီဘီ က ထုတ်ပြန်သော
စာရင်းအင်းများအရ သိရသည်။
ထိုကာလအတွင်း အိန္ဒိယနိုင်ငံသည်
ခရီးသွား၂၆၂၃၄၅ ဦးဖြင့် ခရီးသွားဝင်ရောက်မှုအများဆုံးဖြစ်ပြီး အမေရိကန်ပြည်ထောင်စုသည်
၁၀၅၂၃၉ ဦးဖြင့် ဒုတိယနေရာတွင် ရှိကြောင်းနှင့် တရုတ်နိုင်ငံသည် ၈၆၈၀၀ ဦးဖြင့် တတိယနေရာတွင်
ရှိကြောင်း ဖော်ပြထားသည်။
ကိုးကား-ဆင်ဟွာ
ဘာသာပြန်-မြင့်မြင့်ချို
No comments