ဘိုင်ယန်မြူးနစ်နဲ့ အက်သလက်တီကိုမက်ဒရစ်တို့ ဂိုးပြတ်နိုင်ပွဲရရှိခဲ့ပြီး လီဗာပူးအသင်း ရှုံးပွဲကြုံ

မတ် ၁၁ ရက် နံနက်ပိုင်းက ယှဉ်ပြိုင်ကစားခဲ့တဲ့ ချန်ပီယံလိဂ် ၁၆ သင်းအဆင့် ပထမ‌အကျော့ပွဲစဉ်မှာ ဘိုင်ယန်မြူးနစ်အသင်းနဲ့ အက်သလက်တီကိုမက်ဒရစ်အသင်းတို့ ဂိုးပြတ်နိုင်ပွဲရရှိခဲ့ပြီး လီဗာပူး အသင်းကတော့ ရှုံးပွဲကြုံတွေ့ခဲ့တာဖြစ်ပါတယ်။

ဘိုင်ယန်မြူးနစ်အသင်းဟာ ချန်ပီယံလိဂ်   ၁၆   သင်းအဆင့် ပထမအကျော့ပွဲစဉ်မှာ အတ္တလန္တာ အသင်းကို ခြောက်ဂိုး-တစ်ဂိုးဖြင့် အနိုင်ရရှိခဲ့တာဖြစ်ပါတယ်။

အက်သလက်တီကို   မက်ဒရစ်အသင်းကတော့   စပါးအသင်းနဲ့ ယှဉ်ပြိုင်ကစားခဲ့ရတာဖြစ်ပြီး အက်သလက်တီကို မက်ဒရစ်အသင်းက စပါးအသင်းကို ငါးဂိုး-နှစ်ဂိုးနဲ့ အနိုင်ရရှိခဲ့တာဖြစ်ပါတယ်။

ချန်ပီယံလိဂ် ၁၆ သင်းအဆင့်ပထမ အကျော့ပွဲစဉ်တွေထဲမှာ ဂါလာတာစာရေးအသင်းရဲ့ အိမ်ကွင်း ကို သွားရောက်ကစားရတဲ့ လီဗာပူးအသင်းကတော့ အဝေးကွင်းမှာ တစ်ဂိုး-ဂိုးမရှိဖြင့်     ရှုံးနိမ့်ခဲ့တာ ဖြစ်ပါ  တယ်။

လီဗာပူးအသင်းဟာ ဂါလာတာစာရေးအသင်းကို ရှုံးနိမ့်ခဲ့တာကြောင့် နည်းပြအာနီ စလော့အနေနဲ့ လီဗာပူးအသင်းကို နည်းပြအဖြစ် တာဝန်ယူကိုင်တွယ်တဲ့ ပွဲ ၁၀၀ ပြည့်ပွဲစဉ်မှာ အရှုံးရလဒ်ဖြင့်သာ ကြုံတွေ့ခဲ့ရတာဖြစ်ပါတယ်။

အခြားသောပွဲစဉ်တစ်ပွဲဖြစ်တဲ့ နယူးကာဆယ်အသင်းနဲ့ ဘာစီလိုနာအသင်း တို့ပွဲစဉ်မှာတော့ တစ်ဖက်တစ်ဂိုးစီ သရေရလဒ်သာ ထွက်ပေါ်ခဲ့တာဖြစ်ပါတယ်။

ငွေကြယ်