မောင်တောမြို့၌ ကိုဗစ်-၁၉ ကာလအတွင်း ကုန်တင်ကုန်ချ အလုပ်သမားများအား ပေါ်ဆန်းမွှေးဆန်များထောက်ပံ့

 

မောင်တော   စက်တင်ဘာ  ၅

ရခိုင်ပြည်နယ် မောင်တောမြို့၌ ကိုဗစ်-၁၉ ကာလအတွင်း ကုန်တင်ကုန်ချအလုပ်သမားများအား ပေါ်ဆန်းမွှေးဆန်များ ထောက်ပံ့ပေးအပ်ခြင်းကို ယနေ့ နံနက် ၉ နာရီက မြို့နယ် ကုန်တင်ကုန်ချလုပ်ငန်း ကော်မတီရုံးတွင် ထောက်ပံ့ပေးအပ်ခဲ့သည်။

ထို့သို့ ထောက်ပံ့ပေးအပ်ရာတွင် ကိုဗစ်-၁၉ ကာလအတွင်း အလုပ်အကိုင်အခွင့်အလမ်းများ နည်းပါးမှုကြောင့် စားဝတ်နေရေး ပြေလည်စေရန်အတွက် ရခိုင်ပြည်နယ်အစိုးရအဖွဲ့၏ ရန်ပုံငွေနှင့် အလုပ်သမားများ၏ စုဆောင်း ရန်ပုံငွေများဖြင့် မောင်တောမြို့နယ် ကုန်တင်ကုန်ချ ကော်မတီရုံးရှိ အလုပ်သမား ၁၄၅ ဦးအား၊ အလုပ်သမား တစ်ဦးလျှင် ၁၂ ပြည်ဝင် ပေါ်ဆန်းမွှေးဆန် တစ်အိတ်နှုန်းဖြင့် စုစုပေါင်းဆန်  ၁၄၅ အိတ်အား မြို့နယ် စီမံအုပ်ချုပ်ရေးအဖွဲ့ဉက္ကဋ္ဌ ဦးကံထွန်းအောင်နှင့် မြို့နယ် ကုန်တင်ကုန်ချကော်မတီရုံး မြို့နယ်တာဝန်ခံ ဦးဇော်ဇော်အောင်တို့က ထောက်ပံ့ပေးအပ်ခဲ့ကြောင်း သိရသည်။

သက်လွင်စိုး(ခရိုင် ပြန်/ဆက်)