ကင်မရွန်းနိုင်ငံ၌ မြေပြိုမှုကြောင့် လူ ၁၄ ဦး သေဆုံး
နိုဝင်ဘာ ၂၈
ကင်မရွန်းနိုင်ငံ၏မြို့တော် ယောင်အွန်ဒေးတွင် ယမန်နေ့က ဈာပနပွဲပြုလုပ်နေစဉ်အတွင်း မြေပြိုမှုဖြစ်ပွားသဖြင့် လူ ၁၄ ဦးထက်မနည်းသေဆုံးခဲ့ကြောင်း ထိုဒေသအုပ်ချုပ်ရေးမှူးက ပြောကြားသည်။
အဆိုပါမြေပြိုမှုသည် ဈာပနအခမ်းအနားပြုလုပ်ရန်တောင်ထိပ်တွင်စုဝေးနေစဉ်အတွင်း ဖြစ်ပွားခဲ့ခြင်းဖြစ်သည်ဟု မျက်မြင်သက်သေများက ဆိုသည်။
ကယ်ဆယ်ရေးသမားများက ကယ်ဆယ်ရေးလုပ်ငန်းများ ဆောင်ရွက်လျက်ရှိကြောင်း အလယ်ပိုင်းဒေသအုပ်ချုပ်ရေးမှူး နာစီပေါဘီအာက သတင်းထောက်များကိုပြောကြားသည်။
ထိုမြေပြိုမှုဖြစ်ပွားရာနေရာသည် ယောင်အွန်ဒေးအနီး ဒါမတ်ဒေသတွင် ဖြစ်ပွားခဲ့ခြင်းဖြစ်ကြောင်းနှင့် အလွန်အန္တရာယ် များသောနေရာဖြစ်ကြောင်း ဘီအာက နိုင်ငံပိုင်ရုပ်သံလွှင့်ဌာနအား ပြောကြားသည်။
ယောင်အွန်ဒေးတွင် မတ်စောက်သောတောင်စောင်းများရှိပြီး အာဖရိကရှိအစိုစွတ်ဆုံးမြို့များအနက် တစ်ခုအပါအဝင် ဖြစ်သည်။
ယခုနှစ်အတွင်း မိုးသည်းထန်စွာရွာသွန်းမှုများကြောင့် နိုင်ငံတစ်ဝန်းတွင် ရေကြီးရေလျှံမှုအများအပြားဖြစ်ပွားခဲ့သည်။
ကိုးကား-ဆင်ဟွာ
ဘာသာပြန်-မြင့်မြင့်ချို
No comments