မက္ကဆီကိုနိုင်ငံ၌ မြေအောက်ရထားနှစ်စင်းတိုက်မှုကြောင့် တစ်ဦးသေဆုံးပြီး ၅၇ ဦးဒဏ်ရာရ
မက္ကဆီကိုစီးတီး၊ ဇန်နဝါရီ ၈
မက္ကဆီကိုစီးတီးမြို့တွင်
မြေအောက်ရထားနှစ်စင်း တိုက်မှုကြောင့် တစ်ဦးသေဆုံးပြီး ၅၇ ဦး ဒဏ်ရာရရှိခဲ့သည်ဟု ဒေသခံ
အာဏာပိုင်များက ဇန်နဝါရီ ၇ ရက်တွင် ပြောသည်။
ဒဏ်ရာရရှိသူများကို ဒေသ
ဆေးရုံသို့ ခေါ်ဆောင်သွားခဲ့ပြီး ရထားတွဲအတွင်း ပိတ်မိနေသူ လေးဦးအနက် သုံးဦးကို ကယ်တင်နိုင်ခဲ့ကြောင်း
မက္ကဆီကိုစီးတီး မြို့တော်ဝန် ကလောက်ဒီရာ ရှိုင်းဘောင်က ပြောသည်။
လာရာဇာနှင့် ပက်ထရီရို
ဘူတာတို့အကြား ဇန်နဝါရီ ၇ ရက် နံနက်ပိုင်းက
ရထားတိုက်မှု ဖြစ်ပွားခဲ့ခြင်းဖြစ်သည်။ အခင်း ဖြစ်ပွားနေရာသို့ ထိခိုက်ခံစားရသူများ
စောင့်ရှောက်ပေးရေးအသင်းကို စေလွှတ်ခဲ့ပြီး ရထားတိုက်မှု ဖြစ်ပွားရခြင်းအကြောင်းကို
စုံစမ်းစစ်ဆေးမှု ပြုလုပ်သွားမည်ဟု မက္ကဆီကိုရှေ့နေချုပ်ရုံးက တွစ်တာပေါ်တွင် ရေးသား
ခဲ့သည်။ ရထားတိုက်မှုဖြစ်ပွားရခြင်း အကြောင်းကိုမူ မသိရသေးချေ။ မက္ကဆီကိုစီးတီး မြေအောက်ရထားမှာ
နိုင်ငံအတွင်း သယ်ယူပို့ဆောင်မှုတွင် အသုံးများသော သယ်ယူပို့ဆောင်ရေးစနစ် တစ်ခု ဖြစ်သည်။
ဆင်ဟွာ
No comments