ပွင့်ဖြူမြို့နယ် သံကိုင်းကျေးရွာ မီးဘေးသင့်အိမ်ထောင်စုအတွက် ကယ်ဆယ်ရေးပစ္စည်းများ ထောက်ပံ့လှူဒါန်း

ပွင့်ဖြူ ဇန်နဝါရီ ၁၆

မကွေးတိုင်းဒေသကြီး၊ ပွင့်ဖြူမြို့နယ် သံကိုင်းကျေးရွာရှိ မီးဘေးသင့်အိမ်ထောင်စုအတွက် အဆင်ပြေစွာ နေထိုင်သွားနိုင်ရေးအတွက် ဇန်နဝါရီ ၁၅ ရက် ၊ နံနက်ပိုင်းက မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးအောင်မြတ်ခိုင်နှင့် မြို့နယ်ကြက်ခြေနီအသင်းခွဲမှ တပ်ဖွဲ့ဝင်များက ကယ်ဆယ်ရေးပစ္စည်းများ အိမ်တိုင်ရာရောက် သွားရောက်ထောက်ပံ့ လှူဒါန်းပေးခဲ့ကြောင်း သိရသည်။

ထိုသို့ မီးဘေးသင့်အိမ်ထောင်စုအတွက် ကယ်ဆယ်ရေးပစ္စည်းများ ထောက်ပံ့လှူဒါန်းရာတွင် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးအောင်မြတ်ခိုင်နှင့် မြို့နယ်ကြက်ခြေနီအသင်းခွဲမှ တပ်ဖွဲ့ဝင်များက ပွင့်ဖြူမြို့နယ်သံကိုင်းကျေးရွာမှ မီးဘေးသင့်အိမ်ထောင်စု ဦးဝင်းမိုး မိသားစုအား အဆင်ပြေစွာ နေထိုင်နိုင်ရေးအတွက် မိသားစုသုံးပစ္စည်း(၁၃)မျိုး၊ တစ်ကိုယ်ရည်ကျန်းမာရေးသုံးပစ္စည်း(၁၉)မျိုး၊ အမျိုးသမီးသုံးပစ္စည်း(၁၀)မျိုးနှင့် မိသားစုအိမ်ဆောက်ပစ္စည်း(၁၁)မျိုးတို့ကို အိမ်တိုင်ရာရောက် ထောက်ပံ့လှူဒါန်းခဲ့ပြီး ပွင့်လင်းရာသီကာလ မီးဘေးကြိုတင်ကာကွယ်ရေးနှင့် မီးဘေးသတိမူစေရေး လိုက်နာရမည့် ရှောင်ရန်၊ ရှောင်ရန်များကို အသိပညာပေး ဆွေးနွေးမှာကြားခဲ့ကြောင်း သိရသည်။ 

လှိုင်ဝင်းလေး (ပွင့်ဖြူမြေ)