တူကီယဲနှင့်ဆီးရီးယားနိုင်ငံတို့တွင် ငလျင်များလှုပ်ခတ်မှုကြောင့် သေဆုံးသူ ၂၁၀၀၀ ကျော်ရှိလာ

 

ဖေဖော်ဝါရီ ၁၀

တူကီယဲနှင့်ဆီးရီးယားနိုင်ငံတို့တွင် ဖေဖော်ဝါရီ ၆ ရက်က ငလျင်များလှုပ်ခတ်မှုကြောင့် သေဆုံးသူ ၂၁၀၀၀ ကျော်ရှိလာသည်ဟု အာဏာပိုင်များနှင့်ကယ်ဆယ်ရေသမားများ၏နောက်ဆုံးထုတ်ပြန်ချက်အရ သိရသည်။

အဆိုပါငလျင်လှုပ်ခတ်မှုကြောင့် တူကီယဲနိုင်ငံတွင် သေဆုံးသူ ၁၇၆၇၄ ဦးနှင့် ဒဏ်ရာရသူ ၇၂၈၇၉ ဦးရှိကြောင်း တူကီယဲဒုတိယသမ္မတ ဖူအတ်အုပ်တေးက ယမန်နေ့ကပြောကြားသည်။

ဆီးရီးယားနိုင်ငံရှိ အစိုးရထိန်းချုပ်ရာဒေသများတွင် ၁၆၇၈ ဦး သေဆုံးပြီး အတိုက်အခံများထိန်းချုပ်ထားသည့်ဒေသတွင် သေဆုံးသူ ၂၁၉၀ ရှိသည်ဟု မီဒီယာတွင်ဖော်ပြထားသည်။

ဖေဖော်ဝါရီ ၆ ရက်က ပြင်းအား ၇ ဒသမ ၇၊ ၆ ဒသမ ၄ နှင့် ၇ ဒသမ ၆ ပမာဏရှိငလျင်များလှုပ်ခတ်မှုဖြစ်ပွားခဲ့သည်။

အဆိုပါငလျင်လှုပ်ခတ်မှုဖြစ်ပွားရာနေရာများသို့ အခြားနိုင်ငံများမှကယ်ဆယ်ရေးနှင့်ရှာဖွေရေးအဖွဲ့များလည်း ရောက်ရှိ လာကြသည်ဟု သိရသည်။

ကိုးကား-ဆင်ဟွာ

ဘာသာပြန်-မြင့်မြင့်ချို