အမေရိကန်နိုင်ငံအလယ်ပိုင်း၌ မက္ကဆီကိုနိုင်ငံသားများလိုက်ပါလာသည့်ယာဉ်တိမ်းမှောက်မှုကြောင့် ရှစ်ဦးသေဆုံး၊ လူ ၃၀ ဒဏ်ရာရ

ဇူလိုင် ၄

အမေရိကန်နိုင်ငံအလယ်ပိုင်း မက္ကဆီကိုဒေသ ဇာကာတီကတ်-ဆာလ်တီလိုအဝေးပြေးလမ်းမပေါ်တွင် ယမန်နေ့က  ခရီးသည်တင်ဘတ်စ်ကားတစ်စီး တိမ်းမှောက်မှုဖြစ်ပွားခဲ့ရာ ရှစ်ဦးထက်မနည်းသေဆုံးပြီး အခြားလူ ၃၀ ဒဏ်ရာရရှိခဲ့သည်။

အဆိုပါယာဉ်မတော်တဆမှုသည် ဒေသစံတော်ချိန် မနက် ၆ နာရီ ၃၀ မိနစ်ခန့်က ရိုကာမန်တတ်ခရိုင်တွင်  ဖြစ်ပွားခဲ့ခြင်းဖြစ်သည်ဟု သိရသည်။

ထိုဘတ်စ်ကားပေါ်တွင် နွေရာသီအားလပ်ရက်အတွင်း ဇာကာတီကတ်နှင့် အာဂတ်စလီအန်တတ်ဒေသရှိ ၎င်းတို့၏ဇာတိမြို့သို့သွားရောက်ကာအားလပ်ရက်ကုန်ဆုံးရန် အမေရိကန်နိုင်ငံအတွင်းနေထိုင်ကြသော မက္ကဆီကိုနိုင်ငံသားများ လိုက်ပါလာကြသည်။

ကနဦးအစီရင်ခံစာတွင် ထိုဘတ်စ်ကားသည် မိုးရွာသွန်းပြီးနောက် လမ်းချော်မှုဖြစ်ပွားကာ အရှိန်မထိန်းနိုင်ဖြစ်ပြီး ယာဉ်တိမ်းမှောက်မှုဖြစ်ပွားခဲ့ခြင်းဖြစ်သည်ဟု ယူဆကြောင်း ဖော်ပြထားသည်။

ယာဉ်တိမ်းမှောက်မှုမှဒဏ်ရာရရှိသူများကို ဆေးကုသပေးခဲ့ပြီး အခြေအနေစိုးရိမ်ရသူအများစုကို ဆေးရုံသို့ ပို့ဆောင်ပေးခဲ့သည်ဟု သိရသည်။

ကိုးကား-ဆင်ဟွာ

ဘာသာပြန်-မြင့်မြင့်ချို