တရုတ်နိုင်ငံဝူဟန်မှလန်ဒန်သို့လေကြောင်းခရီးစဉ်များပြန်လည်စတင်
ဩဂုတ် ၂၅
တရုတ်နိုင်ငံအလယ်ပိုင်းဝူဟန်မှ
အေ ၃၅၀ လေကြောင်းလိုင်းသည် ခရီးသည် ၂၇၀ ဦးတင်ဆောင်ကာ
လန်ဒန်မြို့ ဟိသရိုးလေဆိပ်သို့ ယနေ့မနက်ပိုင်းတွင်
ပျံသန်းခဲ့သည်။
အဆိုပါလေကြောင်းလိုင်းသည်
ကိုဗစ်-၁၉ ရောဂါကူးစက်မှုဖြစ်ပွားပြီးနောက်ပိုင်း ဝူဟန်မှဉရောပသို့ တိုက်ရိုက်လေကြောင်းပျံသန်းမှု
ပြန်လည်စတင်ခဲ့ခြင်းဖြစ်သည်။
China Southern လေကြောင်းလိုင်းက
အပတ်စဉ် တစ်ပတ်တစ်ကြိမ် သောကြာနေ့တိုင်း ပျံသန်းမည်ဟု သိရသည်။ ဝူဟန်နိုင်ငံတကာလေဆိပ်က
မနက် ၂ နာရီ ၁၅ မိနစ်တွင် ပျံသန်းခဲ့ပြီး လန်ဒန်သို့ ဒေသစံတော်ချိန် မနက် ၇ နာရီ ၁၀
မိနစ်တွင် ရောက်ရှိခဲ့သည်။ ထိုလေကြောင်းလိုင်းသည်
မနက် ၁၁ နာရီ ၀၅ မိနစ်တွင် လန်ဒန်မှပြန်လည်ပျံသန်းခဲ့ရာ ဝူဟန်သို့ နောက်နေ့မနက် ၅ နာရီတွင်
ရောက်ရှိခဲ့သည်။
လန်ဒန်သို့ ပျံသန်းသော ပထမဆုံး
လေကြောင်းလိုင်းတွင် ခရီးသည် ၈၈ရာခိုင်နှုန်းရှိပြီး ဝူဟန်သို့ပျံသန်းသော လေကြောင်းလိုင်းတွင်
ခရီးသည် ၉၀ ရာခိုင်နှုန်း ထိရှိကြောင်း ဟူဘေရုံးခွဲ၏ ဒုတိယအရောင်းမန်နေဂျာ က ပြောသည်။
ဝူဟန်အပြည်ပြည်ဆိုင်ရာလေဆိပ်သည်
ဒူဘိုင်း၊ ဆစ်ဒနီ၊ တိုကျို၊ စင်ကာပူနှင့် ဘန်ကောက်အပါအဝင် နိုင်ငံတကာလေဆိပ်များသို့
လေကြောင်းလိုင်းကိုးခုဖြင့် ပျံသန်းမှုပြန်လည်စတင်နေပြီဖြစ်သည်။
ကိုးကား-ဆင်ဟွာ
ဘာသာပြန်-မြင့်မြင့်ချို
No comments