မြစ်သားမြို့နယ်တွင် အိမ်ထောင်စု (၄၆၉၃၇)စုသန်းခေါင်စာရင်းအောင် မြင်စွာကောက်ယူပြီးစီး
မြစ်သား အောက်တိုဘာ ၁၅
မန္တလေးတိုင်းဒေသကြီး၊ ကျောက်ဆည်ခရိုင်၊ မြစ်သားမြို့နယ်တွင် ၂၀၂၄ ခုနှစ် လူဦးရေနှင့် အိမ်အကြောင်းအရာ သန်းခေါင်စာရင်းအား မြို့နယ်အဆင့် စာရင်းစစ်၊ စာရင်းကောက်များက မြို့နယ်အတွင်းရှိ သန်းခေါင်စာရင်းကောက်ယူမှုလုပ်ငန်းကို အောက်တိုဘာ ၁ ရက်မှ စတင်ပြီး ကွင်းဆင်းဆောင်ရွက်လျက်ရှိရာ အောက်တိုဘာ ၁၄ ရက်နေ့အထိ အိမ်ထောင်စုပေါင်း (၄၆၉၃၇)စုအား အောင်မြင်စွာ ကောက်ယူပြီးစီးဖြစ်ကြောင်း သိရသည်။
လူဦးရေနှင့် အိမ်အကြောင်းအရာ သန်းခေါင်စာရင်းကောက်ယူခြင်းကို ရပ်ကွက် (၁၁)ရပ်ကွက်နှင့် ကျေးရွာအုပ်စုပေါင်း (၈၁)အုပ်စုရှိပြီး စာရင်းကောက်ကွက်ပေါင်း (၅၈၆)ကွက် သန်းခေါင်စာရင်း ကောက်ယူရေးအဖွဲ့(၄၇)ဖွဲ့မှ စာရင်းစစ်၊ စာရင်းကောက်(၂၂၄)ဦးတို့ဖြင့် သန်းခေါင်စာရင်း အချက်အလတ်များ ကောက်ယူလျက်ရှိရာ ယမန်နေ့အထိ အိမ်ထောင်စု(၄၆၉၃၇)စုနှင့် လူဦးရေ (၁၆၉၃၁၇)ဦးတို့အား ကောက်ယူပြီးစီးခဲ့ကြောင်း သိရသည်။
အဆိုပါ လူဦးရေနှင့်အိမ်အကြောင်းအရာ သန်းခေါင်းစာရင်းကောက်ယူနေမှုကို မြို့နယ် သန်းခေါင် စာရင်းကော်မတီဥက္ကဋ္ဌ ဦးဇော်မင်းနှင့် ကော်မတီဝင်များက ကြည်ရှုအားပေးခဲ့သည်။ ထို့နောက် နယ်မြေခံလုံခြုံရေးတပ်ဖွဲ့ဝင်များ၊ ရဲတပ်ဖွဲ့ဝင်များ၊ အခြေခံပညာရေး ဦးစီးဌာနမှ ဆရာ/ဆရာမများ ရပ်ကွက်/ကျေးရွာအုပ်ချုပ်ရေးမှူးများ၊ စာရေးဝန်ထမ်းများ၊ ရာအိမ်မှူးနှင့် ဆယ်အိမ်မှူးများ ပူးပေါင်း၍ လုပ်ငန်းများ အဆင်ပြေချောမွေ့စေရေး ဝိုင်းဝန်းကူညီ ဆောင်ရွက်ပေးလျက်ရှိကြောင်း သိရသည်။
မြို့နယ် (ပြန်/ဆက်)
No comments