တိရစ္ဆာန်ဥယျာဉ်(ရန်ကုန်)၌ သီတင်းကျွတ်ဈေးရောင်းပွဲတော် ကျင်းပမည်
ရန်ကုန် အောက်တိုဘာ ၁၄
တိရစ္ဆာန်ဥယျာဉ်(ရန်ကုန်)တွင် သီတင်းကျွတ် ဈေးရောင်းပွဲတော်ကို အောက်တိုဘာ ၁၆ ရက်မှစတင်ပြီး ၂၀ ရက်အထိ ၅ ရက်တိုင် ကျင်းပသွားမည်ဖြစ်ပြီး ပွဲတော်ကာလအတွင်း လာရောက်လည်ပတ်ကြသူများအတွက် ကျောင်းသုံးနှင့် လူသုံးကုန်ပစ္စည်းများ၊ စားသောက်ဖွယ်ရာများ ရောင်းချပေးမည့် ဆိုင်ခန်းများစွာပါဝင်ပြီး စည်ကားသိုက်မြိုက်စွာ ကျင်းပသွားမှာဖြစ်ဖြစ်ကြောင်း သိရသည်။
ထို့အပြင် တိရစ္ဆာန်ဥယျာဉ်(ရန်ကုန်)၌ ယင်းနေ့များတွင် Glory Talents & Models Agency ၏ အဆိုရှင်ပေါင်းများစွာ ပါဝင်အားဖြည့် ဖျော်ဖြေတင်ဆက်သွားမည်ဖြစ်သောကြောင့် သားသားမီးမီးနှင့် မိဘပြည်သူများသည် တိရစ္ဆာန်ဥယျာဉ်(ရန်ကုန်)သို့ လာရောက်အပန်းဖြေ လည်ပတ်နိုင်ကြောင်း သိရသည်။
အောင်မြင့်(ပြန်/ဆက်)
No comments