ဂျပန်နိုင်ငံ ဒေသအနှံ့အပြား ဆီးနှင်းထူထပ်စွာကျဆင်း

 

တိုကျို ဖေဖော်ဝါရီ ၂၄

 

ဂျပန်နိုင်ငံ ဒေသအနှံ့အပြားတွင် ဆီးနှင်းထူထပ်စွာ ကျဆင်းလျက်ရှိသောကြောင့် အာဏာပိုင်များက ခရီးသွားလာရာတွင် သတိထားကြရန် ပြည်သူများအား တိုက်တွန်းထားသည်။

 

ဖေဖော်ဝါရီ ၂၄ ရက် နံနက် ၁၁ နာရီအထိ နိအိဂါတာခရိုင် ယူအွန်းနူမာမြို့တွင် ဆီးနှင်းထူထပ် မှု ၃ ဒသမ ၈၁ မီတာ၊ ယာမာဂါတာ ခရိုင် အိုကူရာကျေးရွာတွင် ၃ ဒသမ ၂၉ မီတာ၊ အအိုမိုရီခရိုင် အအိုမိုရီမြို့တွင် ၁ ဒသမ ၄၃ မီတာရှိကြောင်း သိရသည်။

 

ဆီးနှင်းကျဆင်းမှု လျော့နည်းလာဖွယ်ရှိသော်လည်း ကင်ကီ၊ ချူဂိုကူနှင့် ရှီဂိုကူဒေသများ၏ မြေပြန့်နေရာများတွင် ဒေသအလိုက် ဆီးနှင်းထူထပ်စွာ ကျဆင်းနိုင်ကြောင်း တာဝန်ရှိသူများက ပြောသည်။ လမ်းပန်းဆက်သွယ်ရေး ပြတ်တောက်ခြင်းအပြင် လျှပ်စစ်ဓာတ်အား ပြတ်တောက်ခြင်း၊ သစ်ပင်များ လဲကျခြင်းတို့ ဖြစ်ပေါ်နိုင်ကြောင်း အာဏာပိုင်များက ပြောသည်။

 

အင်န်အိတ်ချ်ကေ