တောင်ကိုရီးယားနိုင်ငံ၌ ကျောင်းတွင်းအကြမ်းဖက်ခံရမှုနှုန်း စံချိန်တင် မြင့်မား

စက်တင်ဘာ ၁၆

 

တောင်ကိုရီးယားနိုင်ငံ၏ ကျောင်းတွင်းအကြမ်းဖက်ခံရမှုနှုန်းသည် ယခုနှစ်အတွင်း စံချိန်တင် မြင့်မားလာကြောင်း အစိုးရစစ်တမ်းတစ်ရပ်က ယနေ့တွင် ဖော်ပြထားသည်။

 

လွန်ခဲ့သည့်နှစ်က ကျောင်းတွင်းအကြမ်းဖက်မှု ကြုံတွေ့ခဲ့ရသည့် ကျောင်းသားများ အချိုးသည် ယခုနှစ်အတွင်းဖြစ်ပွားမှု စုစုပေါင်း၏ ၂ ဒသမ ၅ ရာခိုင်နှုန်းဖြစ်ပြီး ယခင်နှစ်နှင့် နှိုင်းယှဉ်ပါက ၀ ဒသမ ၄ ရာခိုင်နှုန်း မြင့်တက်လာသည်ဟု ပညာရေးဝန်ကြီးဌာ၏ ပြောကြားချက်အရ သိရသည်။

 

အဆိုပါ စစ်တမ်းသည် ၂၀၁၃ ခုနှစ်တွင် စတင်လုပ်ဆောင်ပြီးနောက်ပိုင်း အမြင့်ဆုံးဖြစ်သည်။ ထိုရလဒ်သည် မေလ ၁၃ ရက်နေ့အထိ လေးပတ်ကြာပြုလုပ်ခဲ့သော အွန်လိုင်းစစ်တမ်းအပေါ် အခြေခံ၍ မူလတန်းကျောင်းတွင် စတုတ္ထတန်းမှ ဆဋ္ဌမတန်း ကျောင်းသားများအပြင် အလယ်တန်းနှင့် အထက်တန်း ကျောင်းသားများ ပါဝင်ကြောင်း ဖော်ပြထားသည်။

 

ကိုဗစ်-၁၉ ရောဂါကူးစက်ဖြစ်ပွားမှုကာလအတွင်း ၂၀၂၀ ခုနှစ်တွင် ၀ ဒသမ ၉ ရာခိုင်နှုန်းသို့ ယာယီကျဆင်းလာပြီးနောက် ကျောင်းတွင်းအကြမ်းဖက်ခံရမှုနှုန်းသည် ၂၀၂၁ ခုနှစ်တွင် ၁ ဒသမ ၁ ရာခိုင်နှုန်းမှ ၂၀၂၂ ခုနှစ်တွင် ၁ ဒသမ ၇ ရာခိုင်နှုန်းအထိ ၂၀၂၃ ခုနှစ်တွင် ၁ ဒသမ ၉ ရာခိုင်နှုန်းနှင့် ၂၀၂၄ ခုနှစ်တွင် ၂ ဒသမ ၁ ရာခိုင်နှုန်းအထိ ဆက်လက်မြင့်တက်လာခဲ့သည်။

 

မူလတန်းကျောင်းသူကျောင်းသားများ အကြမ်းဖက်ခံရမှုနှုန်းသည် ၂၀၂၅ ခုနှစ်တွင် ၅ ဒသမ ၀ ရာခိုင်နှုန်းရှိရာ အမြင့်ဆုံးဖြစ်ပြီး ယခင်နှစ်ကထက် ၀ ဒသမ ၈ ရာခိုင်နှုန်းအထိ မြင့်တက်လာခဲ့သည်။

 

အလယ်တန်းကျောင်းသားများ အကြမ်းဖက်ခံရမှုနှုန်း ၀ ဒသမ ၅ ရာခိုင်နှုန်းမှ ၂ ဒသမ ၁ ရာခိုင်နှုန်းအထိ တိုးလာပြီး အထက်တန်းကျောင်းများ ၀ ဒသမ ၂  ရာခိုင်နှုန်းမှ ၀ ဒသမ ၇ ရာခိုင်နှုန်းအထိ ရှိသည်ဟု သိရသည်။

 

၂၀၂၅ ခုနှစ်တွင် နှုတ်ဖြင့်အနိုင်ကျင့်ပြောဆိုမှု ၃၉ ဒသမ ၀ ရာခိုင်နှုန်းဖြင့် အမြင့်ဆုံးဖြစ်ပြီး အုပ်စုလိုက်အနိုင်ကျင့်မှု ၁၆ ဒသမ ၄ ရာခိုင်နှုန်း၊ ကိုယ်ထိလက်ရောက်အကြမ်းဖက်မှု ၁၄ ဒသမ ၆ ရာခိုင်နှုန်းနှင့် ဆိုက်ဘာအနိုင်ကျင့်မှု ၇ ဒသမ ၈ ရာခိုင်နှုန်းတို့ဖြစ်ကြောင်း သိရသည်။

 

ကိုးကား-ဆင်ဟွာ

ဘာသာပြန်-မြင့်မြင့်ချို