ဒဂုံမြို့သစ်(ဆိပ်ကမ်း)မြို့နယ်၌ မဲစာရင်းများမှန်ကန်စေရေး တစ်အိမ်တက်ဆင်းစနစ်ဖြင့် မြေပြင်ကွင်းဆင်းကောက်ယူ

ရန်ကုန် နိုဝင်ဘာ ၂၉

 

ရန်ကုန်တိုင်းဒေသကြီး ဒဂုံမြို့သစ် (ဆိပ်ကမ်း)မြို့နယ်တွင် မြို့နယ်မဲစာရင်း မှန်ကန်စေရေး မြေပြင်ကွင်းဆင်းကြီးကြပ်ရေးကော်မတီမှ မြို့နယ်မဲစာရင်း မှန်ကန်စေရေး မြေပြင်ကွင်းဆင်း ကြီးကြပ်ရေးလုပ်ငန်းအဖွဲ့များ ဖွဲ့စည်း၍ ယနေ့နံနက်ပိုင်းက မြို့နယ်အတွင်းရှိ ရပ်ကွက်/ ကျေးရွာများအလိုက် တစ်အိမ်တက်ဆင်းစနစ်ဖြင့် မြေပြင်ကွင်းဆင်း ကောက်ယူလျက်ရှိသည်။

 

ထိုသို့ မြေပြင်ကွင်းဆင်းကောက်ယူရာတွင် မြို့နယ်မဲစာရင်းမှန်ကန်စေရေး မြေပြင်ကွင်းဆင်း ကြီးကြပ်ရေးလုပ်ငန်း အဖွဲ့ခုနစ်ဖွဲ့မှ တာဝန်ရှိသူများက ကြီးကြပ်ဆောင်ရွက်လျက်ရှိရာ ဒဂုံမြို့သစ် (ဆိပ်ကမ်း) မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌ မြို့နယ်မဲစာရင်း မှန်ကန်စေရေး မြေပြင်ကွင်းဆင်း ကြီးကြပ်ရေးကော်မတီဥက္ကဋ္ဌ ဦးဖြိုးသူမောင်နှင့် အဖွဲ့ဝင်များက လိုက်လံကြည့်ရှုစစ်ဆေး၍ လိုအပ်သည်များ ကူညီဆောင်ရွက်ပေးခဲ့ကြောင်း သိရသည်။

 

ဖြိုးစန္ဒာ(ပြန်/ဆက်)