နီပေါနိုင်ငံ လက်ရှိဘဏ္ဍာရေးနှစ်၏ ပထမ ငါးလအတွင်း နိုင်ငံခြားကုန်သွယ်မှုတိုးတက်မှုရှိလာ

ဒီဇင်ဘာ ၂၃

နီပေါနိုင်ငံ၏ နိုင်ငံခြားကုန်သွယ်မှုသည် လက်ရှိ ၂၀၂၅-၂၆ ဘဏ္ဍာရေးနှစ်၏ ပထမငါးလအတွင်း ပို့ကုန်နှင့် သွင်းကုန်နှစ်မျိုးလုံး တိုးတက်လာပြီးနောက် ယခင်ဘဏ္ဍာရေးနှစ်ထက် ၂၀ ဒသမ ၀၇ ရာခိုင်နှုန်း တိုးလာကြောင်း အစိုးရအေဂျင်စီတစ်ခုက ယမန်နေ့က ပြောကြားခဲ့သည်။

အကောက်ခွန်ဌာန၏ အစီရင်ခံစာအရ ယခင်ဘဏ္ဍာရေးနှစ် အလားတူကာလတွင် ရူပီး ၇၃၅ ဒသမ ၁၄ ဘီလီယံနှင့် နှိုင်းယှဉ်ပါက ဇူလိုင်လလယ်မှ ဒီဇင်ဘာလလယ်အထိ စုစုပေါင်းကုန်သွယ်မှုပမာဏသည် နီပေါရူပီး ၈၈၂ ဒသမ ၆၉ ဘီလီယံ (အမေရိကန်ဒေါ်လာ ၆  ဒသမ ၁၆ ဘီလီယံ) ရှိခဲ့သည်ဟု သိရသည်။

၂၀၂၄-၂၅ ဘဏ္ဍာရေးနှစ်၏ ပထမငါးလအတွင်း ပို့ကုန်များသည် ၅၈ ဒသမ ၁၇ ရာခိုင်နှုန်း မြင့်တက်လာပြီး ရူပီး ၁၁၆ ဒသမ ၅၀ ဘီလီယံအထိ ရောက်ရှိကာ သွင်းကုန်များသည် ယခင်ဘဏ္ဍာရေးနှစ် အလားတူကာလတွင် ၁၅ ဒသမ ၈၃ ရာခိုင်နှုန်း မြင့်တက်လာကာ ရူပီး ၆၆၁ ဒသမ ၄၈ ဘီလီယံမှ ရူပီး ၇၆၆ ဒသမ ၁၈ ဘီလီယံအထိ ရောက်ရှိခဲ့သည်။ အိန္ဒိယနှင့် တရုတ်နိုင်ငံတို့သည် နီပေါနိုင်ငံ၏ ထိပ်တန်းကုန်သွယ်ရေးမိတ်ဖက်နှစ်နိုင်ငံအဖြစ် ဆက်လက်တည်ရှိနေကြောင်း အစီရင်ခံစာတွင် ဖော်ပြထားသည်။

လောင်စာတင်သွင်းမှု ထိပ်ဆုံးမှ ရပ်တည်လျက်ရှိသော်လည်း ထိုကာလအတွင်း ပဲပုပ်ဆီ အများဆုံးတင်ပို့သည့်နိုင်ငံဖြစ်သည်ဟု သိရသည်။

ကိုးကား-ဆင်ဟွာ

ဘာသာပြန်-မြင့်မြင့်ချို