ဗီယက်နမ်မြောက်ပိုင်းရှိ တောင်ကြားလမ်း မြေပြိုမှုကြောင့် သုံးဦးသေဆုံး
ဒီဇင်ဘာ ၁၅
ဗီယက်နမ်နိုင်ငံမြောက်ပိုင်း
ဖူသို ပြည်နယ် တောင်ကြားလးတစ်ခု၌ ယမန်နေ့ မွန်းလွဲပိုင်းက မြေပြိုမှုဖြစ်ပွားခဲ့ရာ
လူ သုံးဦး ထက်မနည်းသေဆုံးကြောင်း ဒေသခံနေ့စဉ်သတင်းစာ VnExpress က ဖော်ပြခဲ့သည်။
သဘာဝဘေးအန္တရာယ်နှင့် ဆည်မြောင်းစီမံခန့်ခွဲမှုအာဏာပိုင်အဖွဲ့၏
ပြောကြားချက်အရ သေဆုံးသူများတွင် လမ်းအမှတ်အသားများကို ဆေးသုတ်နေသော လမ်းလုပ်သားနှစ်ဦးနှင့်
ထိုဒေသကိုဖြတ်သွားသော မော်တော်ဆိုင်ကယ်စီးသူတစ်ဦးတို့ပါဝင်သည်ဟု သိရသည်။
အဝေးပြေးလမ်းမကြီး၏ အထက်ရှိ
တောင်စောင်းမှ မြေဆီလွှာနှင့် ကျောက်တုံးကြီးများ ရုတ်တရက် လျှောကျလာချိန် ယနေ့မွန်းလွဲ
၂ နာရီ ၃၀ မိနစ်ခန့်တွင် တွင် မတော်တဆမှု ဖြစ်ပွားခဲ့ခြင်းဖြစ်သည်။
ထိုအချိန်တွင် ထရပ်ကားများ၊
ဘတ်စ်ကားများနှင့် မော်တော်ဆိုင်ကယ်များ အပါအဝင် ယာဉ်အများအပြားသည် ထိုဒေသကို ဖြတ်သန်းသွားလာနေကြသည်ဟု
သိရသည်။
ပြီးခဲ့သည့် နှစ်ရက်အတွင်း
ယင်းဒေသတွင်မိုးအနည်းငယ်ရွာသွန်းခဲ့သည်ဟု သတင်းတွင် ဖော်ပြထားသည်။
ကိုးကား-ဆင်ဟွာ
ဘာသာပြန်-မြင့်မြင့်ချို
No comments