ဗီယက်နမ်၏ ရော်ဘာတင်ပို့မှု ယခုနှစ်အတွင်း အမေရိကန်ဒေါ်လာ ၁၁ ဘီလီယံခန့် ရှိမည်ဟု ခန့်မှန်း

ဒီဇင်ဘာ ၁၆

ဗီယက်နမ်၏ ရော်ဘာလုပ်ငန်း ပို့ကုန်ဝင်ငွေသည် ၂၀၂၅ ခုနှစ်တွင် အမေရိကန်ဒေါ်လာ ၁၁ ဘီလီယံအထိ ရောက်ရှိရန် မျှော်လင့်ထားကြောင်း ဒေသတွင်း နေ့စဉ်သတင်းစာ VnEconomy က ဗီယက်နမ်ရော်ဘာအသင်း (VRA) ၏ပြောကြားချက်ကို ကိုးကား၍ ဖော်ပြထားသည်။

ပြုပြင်ထားသော ရော်ဘာထုတ်ကုန်များ တင်ပို့မှုသည် အမေရိကန်ဒေါ်လာ ၅ ဒသမ ၃ ဘီလီယံခန့် ရှိမည်ဟု ခန့်မှန်းထားသည်။ ရော်ဘာသစ်တင်ပို့မှု အမေရိကန်ဒေါ်လာ ၃ ဒသမ ၁ ဘီလီယံကျော် ရှိပြီး သဘာဝရော်ဘာတင်ပို့မှုသည် အမေရိကန်ဒေါ်လာ ၃ ဒသမ ၂ ဘီလီယံကျော် ရှိသည်ဟု သိရသည်။

ဇန်နဝါရီလမှ နိုဝင်ဘာလအထိ အမေရိကန်ဒေါ်လာ ၂ ဒသမ ၉ ဘီလီယံနီးပါးတန်ဖိုးရှိသော သဘာဝရော်ဘာတန်ချိန် ၁ ဒသမ ၇ သန်းခန့် တင်ပို့ခဲ့ကြောင်း VRA ၏ ပြောကြားချက်အရ သိရသည်။

အာရှ-ပစိဖိတ်ဒေသရှိ ရောင်းအားကွင်းဆက်များဆက်လက်ပြောင်းလဲနေခြင်းနှင့် လွတ်လပ်စွာကုန်သွယ်ရေး သဘောတူညီချက်များအရ အခွန်လျှော့ချခြင်းတို့အပြင် အရှေ့အလယ်ပိုင်း၊ အိန္ဒိယနှင့် အာဖရိကတို့တွင် ဝယ်လိုအားမြင့်တက်လာခြင်းတို့ကြောင့် ရော်ဘာလုပ်ငန်းသည် ၂၀၂၆ ခုနှစ်မှ ၂၀၃၀ ပြည့်နှစ်ကာလအတွင်း ပိုမိုတိုးတက်လာမည်ဟု အသင်းအဖွဲ့က ခန့်မှန်းထားကြောင်း မှတ်ချက်ပြုခဲ့သည်။

ကိုးကား-ဆင်ဟွာ

ဘာသာပြန်-မြင့်မြင့်ချို