ကျိုက်လတ်မြို့၌ မျိုးစေ့ချကိရိယာဖြင့် စိုက်ပျိုးခြင်းသရုပ်ပြပွဲ ကျင်းပ
ကျိုက်လတ် ဒီဇင်ဘာ ၁၁
ဧရာဝတီတိုင်းဒေသကြီး ကျိုက်လတ်မြို့နယ်၌
နွေစပါး စိုက်ပျိုးရာသီ ကြဲခင်းစနစ် ပပျောက်ရေး မျိုးစေ့ချကိရိယာဖြင့် စိုက်ပျိုးခြင်းသရုပ်ပြပွဲကို
ယမန်နေ့နံနက်ပိုင်းက လှည်းဆိပ်ကျေးရွာရှိ တောင်သူ ဦးကျော်ကျော်၏ ကွင်းအမှတ် (၉၉B)၊
ဦးပိုင်အမှတ် (၁၉/၁) ဧရိယာ ၁၀ ဧကတွင် ပြုလုပ်သည်။
မျိုးစေ့ချကိရိယာဖြင့် စိုက်ပျိုးနေမှုကြည့်ရှု
ရှေးဦးစွာ ဖျာပုံခရိုင်စီမံခန့်ခွဲရေးနှင့်
အုပ်ရေးကော်မတီဥက္ကဋ္ဌ ဦးဇော်လွင်ဦးနှင့် အဖွဲ့ဝင်များသည် မြို့နယ်စိုက်တိုးမြှင့်အဖွဲ့များနှင့်အတူ
၂၀၂၅ - ၂၀၂၆ ခုနှစ် နွေစပါးစိုက်ပျိုးရာသီတွင် ကြဲခင်းစနစ် ပပျောက်ရေးအတွက် ရက်-၉၀
စပါးမျိုးအား မျိုးစေ့ချ ကိရိယာဖြင့် မျိုးစေ့ချစိုက်ပျိုးနေမှုကို ကြည့်ရှုစစ်ဆေးအားပေးသည်။
ဆက်လက်၍ ကွင်းအမှတ် (၉၉B) ဦးပိုင်အမှတ်
(၂၈/၁) ဧရိယာ ကိုးဧကရှိ တောင်သူ ဦးအောင်မြင့်ဦး၏ လယ်မြေတွင် မျိုးစေ့ချ စိုက်ပျိုးထားသော
အောင်နိုင်တိုး စပါးစိုက်ခင်းများကို ပန်းတိုင်အထွက်နှုန်းရရှိစေရေးအတွက် မြေဩဇာနှင့်သဘာဝ
မြေဩဇာရောစပ်ကြဲပက်နေမှုကို ကြည့်ရှုစစ်ဆေးအားပေးခဲ့ကြောင်း သိရသည်။
ကျိုက်လတ်(ပြန်/ဆက်)
No comments