ရေတာရှည်မြို့နယ်၌ မြို့နယ်အဆင့် ဘက်စုံလူရည်ချွန်ရွေးချယ်ရေး စာမေးပွဲကျင်းပ
ရေတာရှည် ဒီဇင်ဘာ ၄
ပဲခူးတိုင်းဒေသကြီး တောင်ငူခရိုင် ရေတာရှည်မြို့နယ်အတွင်းရှိ
အခြေခံပညာအထက်တန်းကျောင်းများမှ ကျောင်းသား ကျောင်းသူများအား ရေတာရှည်မြို့ အခြေခံပညာအထက်တန်းကျောင်း
သိပ္ပံခန်းမ၌ ၂၀၂၅-၂၀၂၆ ပညာသင်နှစ် မြို့နယ်အဆင့် လူရည်ချွန်ရွေးချယ်ရေးစာမေးပွဲကို
ဒီဇင်ဘာ ၃ ရက်မှ ၅ ရက်အထိ နံနက် ၉ နာရီတွင် ကျင်းပသည်။
မြို့နယ်အဆင့် လူရည်ချွန်ရွေးချယ်ရေးစာမေးပွဲတွင်
မြန်မာစာ၊ အင်္ဂလိပ်စာဘာသာရပ် ရေးဖြေစစ်ဆေးမှုကို ကျောင်းကိုးကျောင်းရှိ G-9 မှ G-12
အထိ ကျောင်းသား ကျောင်းသူ စုစုပေါင်း ၄၄ ဦးတို့ ဝင်ရောက်ဖြေဆိုကြသည်။
အဆိုပါ လူရည်ချွန်ရွေးချယ်ရေးစာမေးပွဲကို
အောင်မြင်စွာ ကျင်းပနိုင်ရေးအတွက် မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌ
ဦးဥက္ကာသန်း ကြီးကြပ်၍ မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီအဖွဲ့ဝင်များ၊
မြို့နယ်ပညာရေးမှူး ဒေါ်ခင်သက်ဦးနှင့် ဌာနဆိုင်ရာတာဝန်ရှိသူများက ကြည့်ရှုအားပေးကြပြီး
လိုအပ်သည်များကို ဖြည့်ဆည်းဆောင်ရွက်ပေးခဲ့ကြောင်း သိရသည်။
ရေတာရှည်(ပြန်/ဆက်)
No comments