တရုတ်နိုင်ငံတစ်ဝန်း အအေးလှိုင်းဖြန့်ကြက်လွှမ်းခြုံ၊ မလိုအပ်ဘဲ အပြင်မထွက်ရန် တိုက်တွန်းထား

 ပေကျင်း   ဒီဇင်ဘာ   ၂

ပြင်းထန်သည့် အအေးလှိုင်းသည်  တရုတ်နိုင်ငံတစ်ဝန်း ဆက်လက်ဖြန့်ကြက်   လွှမ်းခြုံထားသဖြင့် ဒီဇင်ဘာ ၂ ရက်တွင်  အအေးလှိုင်းနှင့်  လေပြင်းတိုက်ခတ်မှုများအတွက် အပြာရောင်သတိပေး ချက်ဆိုင်ရာ   နောက်ဆုံးပြင်ဆင်ဖော်ပြချက်ကို တရုတ်မိုးလေဝသအာဏာပိုင်များက ဖော်ပြခဲ့သည်။

အအေးလှိုင်းသည် နိုင်ငံမြောက်ပိုင်းဒေသများကို  လွှမ်းခြုံလျက်ရှိပြီး  တောင်ဘက်အထိ ဆက်လက် လွှမ်းခြုံဖြန့်ကြက်နိုင်သည်ဟု အမျိုးသားမိုးလေဝသဌာန မိုးလေဝသခန့်မှန်းရေး အရာရှိချုပ် ယန်ရှုနန်က ပြောသည်။

မွန်ဂိုလီးယားအတွင်းပိုင်းကဲ့သို့သော အ‌ရှေ့မြောက်ပိုင်းနှင့် မြောက်ပိုင်းဒေသများတွင် သိသာသည့်   အပူချိန်လျော့နည်းမှုများဖြစ်ပွားကာ   ၆  ဒီဂရီမှ  ၁၀  ဒီဂရီ ဆဲလ်စီးယပ်စ်အထိ ရှိခဲ့ကြောင်း မှတ်တမ်းတင်ခဲ့ပြီး   အချို့ဒေသများတွင်  အပူချိန်  ၁၂   ဒီဂရီ ဆဲလ်စီးယပ်စ်မှ  ၁၄  ဒီဂရီဆဲလ်စီး ယပ်စ်အထိ ရုတ်တရက်ကျဆင်းခဲ့သည်ဟု ယန်က ပြောသည်။

အအေးလှိုင်းသည် နိုင်ငံအရှေ့ပိုင်းနှင့်  တောင်ပိုင်းသို့  ဒီဇင်ဘာ ၂ ရက်နှင့် ၃ ရက်တို့တွင် ရွေ့လျား သွားမည်ဖြစ်ပြီး ယင်းဒေသများတွင်   အပူချိန်ကျဆင်းမှုများဖြစ်ပေါ်နိုင်သည်။

အအေးလှိုင်းသည်  ဒီဇင်ဘာ ၄ ရက်အထိ ဆက်လက်တည်ရှိနေမည်ဖြစ်သောကြောင့် သက်ဆိုင်ရာ ဒေသခံပြည်သူများကို နွေးနွေးထွေးထွေးနေထိုင်ကြရန်နှင့် မလိုအပ်ဘဲ အပြင်မထွက်ကြရန် အကြံပြု ထားသည်။

တရုတ်နိုင်ငံတွင် မိုးလေဝသဆိုင်ရာ    သတိပေးချက်စနစ်ကို အရောင်ဖြင့် ခွဲခြားသတ်မှတ်ထား သော   အဆင့်လေးဆင့်ရှိပြီး အနီရောင်အဆင့်မှာ  အပြင်းထန်ဆုံးဖြစ်သည်။  ထို့နောက်  လိမ္မော် ရောင်၊ အဝါရောင်နှင့် အပြာရောင်တို့ဖြစ်သည်။                     

ဆင်ဟွာ