ကမ္ဘောဒီးယားနိုင်ငံ၏ ၂၀၂၅ ခုနှစ် နိုင်ငံခြားကုန်သွယ်မှု အမေရိကန်ဒေါ်လာ ၆၅ ဘီလီယံကျော်ရှိပြီး ၁၇ ဒသမ ၆ ရာခိုင်နှုန်းမြင့်တက်မှုရှိလာ

ဇန်နဝါရီ ၈

ကမ္ဘောဒီးယား၏ နိုင်ငံခြားကုန်သွယ်မှုပမာဏသည် ၂၀၂၅ ခုနှစ်တွင် အမေရိကန်ဒေါ်လာ ၆၅ ဒသမ ၂၄ ဘီလီယံအထိ ရောက်ရှိခဲ့ပြီး ယခင်နှစ်ကထက် ၁၇ ဒသမ ၆ ရာခိုင်နှုန်း မြင့်တက်လာကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၏ ပြောရေးဆိုခွင့်ရှိသူက ယနေ့တွင် ပြောကြားခဲ့သည်။

ယမန်နှစ်က စုစုပေါင်းပို့ကုန်ပမာဏသည် အမေရိကန်ဒေါ်လာ ၃၁ ဒသမ ၂၈ ဘီလီယံရှိကာ ၁၆ ဒသမ ၉ ရာခိုင်နှုန်း မြင့်တက်လာကြောင်းနှင့် စုစုပေါင်းသွင်းကုန်ပမာဏသည်  အမေရိကန်ဒေါ်လာ ၃၃ ဒသမ ၉၆ ဘီလီယံရှိပြီး ၁၈ ဒသမ ၃ ရာခိုင်နှုန်း မြင့်တက်လာကြောင်း ၎င်းက ပြောကြားခဲ့သည်။

အဖွဲ့ဝင် ၁၅ နိုင်ငံပါ ဒေသတွင်း ဘက်စုံစီးပွားရေး မိတ်ဖက်အဖွဲ့ (RCEP) နိုင်ငံများ၊ ဥရောပသမဂ္ဂ၊ ဗြိတိန်၊ အမေရိကန်ပြည်ထောင်စု၊ ကနေဒါ၊ အာရပ်စော်ဘွားများပြည်ထောင်စုနှင့် အိန္ဒိယနိုင်ငံတို့သည် ကမ္ဘောဒီးယားနိုင်ငံ၏ အဓိကကျသောဈေးကွက်များဖြစ်သည်ဟု ၎င်းကဆိုသည်။

ကိုးကား-ဆင်ဟွာ

ဘာသာပြန်-မြင့်မြင့်ချို