ကသာမြို့၌ အခြေခံပညာကျောင်းများ ပြန်လည်ဖွင့်လှစ်လျက်ရှိ

 

ကသာ ဇန်နဝါရီ ၂၀

ကသာမြို့၌ အခြေခံပညာကျောင်းများကို ယနေ့နံနက် ၉ နာရီက အမှတ်(၃)အခြေခံပညာ အထက်တန်းကျောင်း၌ ပြန်လည် ဖွင့်လှစ်လျက်ရှိသည်။

၂၀၂၅-၂၀၂၆ ပညာသင်နှစ် ပြီးဆုံးတော့မည်ဖြစ်၍ ကျောင်းသားမိဘများအနေဖြင့် ဇန်နဝါရီ ၁၉ ရက်အထိ လာရောက်စာရင်းပေးသူ ကျောင်းသားဦးရေ ၁၀၇၈ ဦးရှိပြီး စာမေးပွဲ ဖြေဆိုမည့်ရက် မတိုင်မီအထိ ဆက်လက်လက်ခံ သွားမည်ဖြစ်ကြောင်း  မြို့နယ် ပညာရေးမှူး ဒေါ်နန္ဒာလင်းထံမှ သိရသည်။

စာစစ်ဌာနဖွင့်လှစ်

၂၀၂၅-၂၀၂၆ ပညာသင်နှစ်၏ နှစ်ဆုံးစာမေးပွဲ (ကျောင်းတွင်းစစ်)ကို  ဖေဖော်ဝါရီ ၄ ရက်တွင် စတင်ကျင်းပမည်ဖြစ်ပြီး တက္ကသိုလ်ဝင် စာမေးပွဲကိုလည်း ကသာမြို့၌ စာစစ်ဌာန ဖွင့်လှစ်၍ ဆောင်ရွက်နိုင်ရေးအတွက် ကျောင်းသားမိဘများနှင့် ပညာရေးဌာနမှ တာဝန်ရှိသူများက ကြိုးစားဆောင်ရွက်လျက်ရှိကြောင်း သိရသည်။

ခရိုင်(ပြန်/ဆက်)