အုတ်တွင်းမြို့နယ်၌ ငှက်ဖျားရောဂါနှင့်ပတ်သက်၍ကျန်းမာရေးအသိပညာပေး
အုတ်တွင်း ဇန်နဝါရီ ၁၄
ပဲခူးတိုင်းဒေသကြီး အုတ်တွင်းမြို့နယ်
ကျွဲပွဲမြို့ ကျေးလက်ကျန်းမာရေးဌာနမှ ကျန်းမာရေးမှူး(၂) ဦးမင်းသိန်းဦးဆောင်သော ကျန်းမာရေးဝန်ထမ်းများက
ညောင်ချဉ်ကုန်းကျေးရွာရှိ ပြည်သူများအား ငှက်ဖျားရောဂါနှင့်ပတ်သက်၍ ကျန်းမာရေးအသိပညာပေးခြင်းကို
ယနေ့နံနက်ပိုင်းက အဆိုပါကျေးရွာ၌ ပြုလုပ်သည်။
ကျွဲပွဲမြို့ ကျေးလက်ကျန်းမာရေးဌာနမှ
ကျန်းမာရေးမှူး(၂) ဦးမင်းသိန်းက ငှက်ဖျားရောဂါကာကွယ်ရေး အသိပညာပေးဟောပြောပြီး ဒေသခံပြည်သူ
၂၃ ဦးအား ငှက်ဖျားရောဂါပိုး ရှိ/မရှိ သွေးဖောက်စစ်ဆေးရာငှက်ဖျားရောဂါပိုးတွေ့ရှိသူမရှိပါကြောင်းနှင့်
အသိပညာပေးဟောပြောပွဲသို့ တက်ရောက်လာသည့် ဒေသခံပြည်သူ ၁၂၆ ဦးအား ဆေးစိမ်ခြင်ထောင်များ
အခမဲ့ဖြန့်ဝေပေးခဲ့ကြောင်း သိရသည်။
ခင်ခင်မာ(ပြန်/ဆက်)
No comments