မွန်ဂိုးလီးယားနိုင်ငံ၌ ဇန်နဝါရီလတွင် နိုင်ငံခြားသား ၇၃၃၀ ဦးအား e-visa များထုတ်ပေး
ဖေဖော်ဝါရီ ၉
မွန်ဂိုလီးယားနိုင်ငံတွင် ၂၀၂၆ ခုနှစ် ဇန်နဝါရီလက နိုင်ငံနှင့် ဒေသအသီးသီးမှ နိုင်ငံခြားသား ၇၃၃၀ ဦးကို အီလက်ထရွန်းနစ်ဗီဇာများ ပေးအပ်ခဲ့ရာ ၂၀၂၅ ခုနှစ် အလားတူကာလနှင့် နှိုင်းယှဉ်ပါက ၄၂ ဒသမ ၄ ရာခိုင်နှုန်း တိုးလာကြောင်း နိုင်ငံ၏ လူဝင်မှုကြီးကြပ်ရေးအေဂျင်စီက ယနေ့တွင် ပြောကြားခဲ့သည်။
ထိုကာလအတွင်း လူဝင်မှုကြီးကြပ်ရေးအေဂျင်စီသည် မွန်ဂိုးလီးယားတွင် နေထိုင်ခွင့်ပါမစ် ၁၂၃၇ ခု ထုတ်ပေးခဲ့ပြီး နေထိုင်ခွင့်ပါမစ် ၅၀၅၇ ခုကို တိုးချဲ့ပေးအပ်ခဲ့ရာ နေထိုင်ခွင့်ပါမစ်ထုတ်ပေးမှုသည် ယမန်နှစ် အလားတူကာလနှင့် နှိုင်းယှဉ်ပါက ၁ ဒသမ ၆ ရာခိုင်နှုန်း တိုးလာခဲ့သည်ဟု သိရသည်။
လက်ရှိတွင် နိုင်ငံ၏စီးပွားရေးသည် သတ္တုတွင်းကဏ္ဍနှင့် သတ္တုအရင်းအမြစ်များ တင်ပို့မှုအပေါ် များစွာမူတည်သောကြောင့် ရေရှည်တည်တံ့သော ခရီးသွားလုပ်ငန်း ဖွံ့ဖြိုးတိုးတက်ရေးကို ကမ္ဘာလုံးဆိုင်ရာ ယှဉ်ပြိုင်မှုအခြေအနေတွင် ခရီးသွားလုပ်ငန်း၏ ယှဉ်ပြိုင်နိုင်စွမ်းကို မြှင့်တင်ရန်နှင့် နိုင်ငံ၏ စီးပွားရေးကို ကွဲပြားစေရန်အတွက် ဦးစားပေးများအနက်တစ်ခုအဖြစ် သတ်မှတ်ကြသည်။
မွန်ဂိုးလီးယားအာဏာပိုင်များသည် ပွင့်လင်းမြင်သာပြီး ခရီးသွားလုပ်ငန်းနှင့် သဟဇာတဖြစ်သော မူဝါဒကို ထိန်းသိမ်းရန် ၎င်း၏ကတိကဝတ်ကို ပြန်လည်အတည်ပြုသည့်အနေဖြင့် ၎င်း၏ခရီးသွားလုပ်ငန်းကို မြှင့်တင်ရန်အတွက် မွန်ဂိုးလီးယားသို့ သွားရောက်လည်ပတ်ရမည့် နှစ်များ ခရီးသွားလုပ်ငန်းအစီအစဉ်ကို ၂၀၂၈ ခုနှစ်အထိ ဆက်လက်လုပ်ဆောင်ရန် ဆုံးဖြတ်ခဲ့ကြောင်း ဖော်ပြထားသည်။
ခရီးသွားလုပ်ငန်းအဖွဲ့၏ ပြောကြားချက်အရ ကုန်းတွင်းပိတ် အာရှနိုင်ငံဖြစ်သော မွန်ဂိုးလီးယားနိုင်ငံသည် ၂၀၂၅ ခုနှစ်တွင် နိုင်ငံကူးလက်မှတ်ကိုင်ဆောင်ထားသောနိုင်ငံခြားခရီးသွား ၈၅၀၀၀၀ နီးပါး စံချိန်တင် လာရောက်လည်ပတ်ခဲ့သည်ဟု သိရသည်။
ကိုးကား-ဆင်ဟွာ
ဘာသာပြန်-မြင့်မြင့်ချို
No comments