ဒုတိယဝန်ကြီး ဦးရဲတင့် ရန်ကုန်မြို့ မြန်မာ့အသံနှင့်ရုပ်မြင်သံကြား စတူဒီယို (၁) ၌ MITV ၏ Quiz Time အစီအစဉ် ရိုက်ကူးနေမှု ကြည့်ရှုအားပေး

 

ရန်ကုန် ဖေဖော်ဝါရီ ၂၇

 

ပြန်ကြားရေးဝန်ကြီးဌာန ဒုတိယဝန်ကြီးဦးရဲတင့်သည် ယနေ့နံနက်ပိုင်းတွင် ရန်ကုန်မြို့ ပြည်လမ်းရှိ မြန်မာ့အသံနှင့်ရုပ်မြင်သံကြားစတူဒီယို(အေ)၌ ရန်ကုန် မြို့ရှိ ပြန်ကြားရေးဝန်ကြီးဌာနအောက် အရာထမ်း၊ အမှုထမ်းများနှင့်တွေ့ဆုံသည်။

 

ထိုသို့ တွေ့ဆုံစဉ် ဒုတိယဝန်ကြီးက တာဝန်ကျေပွန်သော၊ သစ္စာရှိသော၊ ဝန်ထမ်းကျင့်ဝတ်ကို လိုက်နာသော၊ ခြိုးခြံချွေတာသော ဝန်ထမ်းကောင်းများ ဖြစ်စေ ရေး၊ အထက်အောက် အပြန်အလှန်လေးစားမှု၊ ယုံကြည်မှုရှိရေး၊ စဉ်းစားတွေးခေါ်မှုနှင့် လိမ္မာပါးနပ်မှုရှိသော ခေါင်းဆောင်အရာရှိများ ဖြစ်စေရေး၊ စာများများ ဖတ်ရှုပြီး အသိပညာ၊ ဗဟုသုတ၊ အတွေးအခေါ်မြင့်မားလာစေရေး၊ ခေတ်နှင့်လျော်ညီစွာ ဆန်းသစ်တီထွင်မှုနှင့် တိုးတက်မှုရှိအောင်ဆောင်ရွက်ရေးနှင့် နွေ ရာသီဖြစ်သဖြင့် မီးဘေးအန္တရာယ်ကို ဂရုပြုစစ်ဆေးကြပ်မတ် ဆောင်ရွက်သွားရေးတို့နှင့်စပ်လျဉ်း၍ ဆွေးနွေးမှာကြားသည်။

 

ထို့နောက် ဒုတိယဝန်ကြီးသည် စတူဒီယို (၁) ၌ MITV ၏ Quiz Time အစီအစဉ် ရိုက်ကူးနေမှုကို ကြည့်ရှုအားပေးသည်။

 

မွန်းလွဲပိုင်းတွင် ဗဟန်းမြို့နယ် ငါးထပ်ကြီးဘုရားလမ်းရှိ ပုံနှိပ်ရေးနှင့်ထုတ်ဝေရေးဦးစီးဌာန ဖိုတိုလစ်သိုပုံနှိပ်စက်ရုံ၌ ကျောင်းသုံးပုံနှိပ်စာအုပ် ရိုက်နှိပ်ထုတ်ယူနေမှု၊ အသစ်ဝယ်ယူ ရောက်ရှိသော စက်ပစ္စည်းများ တပ်ဆင်စမ်းသပ်နေမှုတို့ကို ကြည့်ရှုစစ်ဆေးခဲ့သည်။

သတင်းစဉ်