မိတ္ထီလာမြို့၌ ကျောင်းအပ်နှံရေးရက်သတ္တပတ်လှုပ်ရှားမှု အသိပညာပေးကမ်ပိန်းဆောင်ရွက်
မိတ္ထီလာ မေ ၂၄
မန္တလေးတိုင်းဒေသကြီး မိတ္ထီလာမြို့တွင်
ခရိုင်စီမံခန့်ခွဲရေးနှင့် အုပ်ချုပ်ရေးကော်မတီ၏ လမ်းညွှန်မှုဖြင့် ကျောင်းအပ်နှံရေးရက်သတ္တပတ်လှုပ်ရှားမှု
အသိပညာပေးကမ်ပိန်းကို ယမန်နေ့က အထက(၁) ပညာရေးခန်းမရှေ့နှင့် မိတ္ထီလာ-ကျောက်ပန်းတောင်း
ကားလမ်းမအနီးတွင် ဆောင်ရွက်ခဲ့ကြောင်း သိရသည်။
ထိုသို့ ဆောင်ရွက်ရာတွင် မိတ္ထီလာ-ကျောက်ပန်းတောင်း
ကားလမ်းမတွင် ဖြတ်သန်းသွား လာကြသည့် ဒေသခံပြည်သူများနှင့် ခရီးသွားပြည်သူများအား ၂ဝ၂၆-၂ဝ၂၇
ပညာသင်နှစ် နိုင်ငံတော် စဉ်ဆက်မပြတ် ဖွံ့ဖြိုးတိုးတက်ဖို့ ကျောင်းနေအရွယ် ကလေးအားလုံး
ကျောင်းအပ်နှံကြပါစို့ ဆောင်ပုဒ်ပါဝင်သည့် ကျောင်းအပ်နှံရေးရက်သတ္တပတ် လှုပ်ရှားမှု
အသိပညာပေး လက်ကမ်းစာစောင်များကို ခရိုင်စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌ
ဦးအောင်မြင့်ဦးနှင့် အဖွဲ့ဝင်များ၊ ခရိုင်ပညာရေးမှူး ဒေါ်မော်မော်နှင့် ပညာရေးဝန်ထမ်းများနှင့်
တာဝန်ရှိသူများက ဖြန့်ဝေပေးခဲ့ကြောင်း သိရသည်။
ချမ်းသာ(မိတ္ထီလာ)
No comments