ညောင်လေးပင်မြို့နယ်၌ ကျွဲ၊ နွားများအား ကာကွယ်ဆေးထိုးနှံပေး

 

ညောင်လေးပင် မေ ၃

 

ပဲခူးတိုင်းဒေသကြီး ညောင်လေးပင်မြို့နယ် မွေးမြူရေးနှင့် ကုသရေးဦးစီးဌာနက မေ ၃ ရက် နံနက်ပိုင်းက စံဖဲကျေးရွာရှိ ဒေသခံတောင်သူများအား မွေးမြူရေးဆိုင်ရာ အသိပညာပေး ဟောပြောခြင်းနှင့် ကာကွယ်ဆေး ထိုးနှံပေးခြင်းလုပ်ငန်းများကို ဆောင်ရွက်သည်။

 

ညောင်လေးပင်မြို့နယ် မွေးမြူရေးနှင့်ကုသရေးဦးစီးဌာနမှ မြို့နယ်ဦးစီးမှူး ဒေါက်တာမျိုးမင်း​​​အောင် ဦးဆောင်၍ ဝန်ထမ်းများက မွေးမြူသူ ဒေသခံတောင်သူများနှင့်​တွေ့ဆုံကာ မွေးမြူရေးဆိုင်ရာ အသိပညာပေး ဟောပြောဆွေးနွေးခြင်းများဆောင်ရွက်ပေးကြပြီး ဒေသခံတောင်သူများ မွေးမြူထားသော ကျွဲ၊ နွားများအား ကူးစက်ရောဂါ ကာကွယ်ဆေးများ ထိုးနှံပေးခဲ့ကြောင်း သိရသည်။

နေလင်း(ညောင်လေးပင်)