လွိုင်လင်မြို့၌ သီးသန့်မီးသတ်တပ်ဖွဲ့ဝင်များ အကြိုအခြေခံမီးသတ်ပညာသင်တန်း ဖွင့်လှစ်

 

လွိုင်လင် မေ ၂၅

 

လွိုင်လင်မြို့၌ မီးငြှိမ်းသတ်ရေး အကြိုအခြေခံပညာသင်တန်း အမှတ်စဉ်(၁/၂၀၂၆) သင်တန်းဖွင့်ပွဲကို ယနေ့နံနက်ပိုင်းက လွိုင်လင်မြို့နယ် မီးသတ်ဦးစီးဌာနခန်းမတွင် ကျင်းပသည်။

 

ဦးစွာ ခရိုင်စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌ ဦးကြည်မြင့်က သင်တန်းဖွင့်အမှာစကား ပြောကြားသည်။ သင်တန်းဖွင့်ပွဲသို့ ပြည်သူ့လွှတ်တော်ကိုယ်စားလှယ် ဦးခွန်အောင်ဆန်း၊ ပြည်နယ်လွှတ်တော်ကိုယ်စားလှယ် ဦးခွန်သက်နိုင်နှင့် ဌာနဆိုင်ရာတာဝန်ရှိသူများ တက်ရောက်ကြပြီး နယ်ပယ်အသီးသီးမှ သင်တန်းသား သင်တန်းသူ ၃၁ ဦးအား ဇွန် ၅ ရက်အထိ အခြေခံမီးသတ်ပညာများ သင်ကြားပေးမည် ဖြစ်ကြောင်း သိရသည်။

လွိုင်လင်မိုး