မင်းလှမြို့နယ်၌ နွေစပါးစံကွက်ရိတ်သိမ်းပွဲ ကျင်းပ

 

မင်းလှ မေ ၇

 

ပဲခူးတိုင်းဒေသကြီး မင်းလှမြို့နယ်၌ ၂၀၂၅- ၂၀၂၆ ခုနှစ် နွေစပါးစံကွက်ရိတ်သိမ်းခြင်းကို ယနေ့နံနက်ပိုင်းက ဝက်လှကြီးကျေးရွာ တောင်သူဦးသန်းစိုး၏ ရေဆင်းပေါ်ဆန်း-၁ မျိုးစေ့ထုတ် စိုက်ခင်းလေးဧကတွင် ဆောင်ရွက်သည်။

 

မြို့နယ်စီမံခန့်ခွဲရေးနှင့် အုပ်ချုပ်ရေး‌ကော်မတီဥက္ကဋ္ဌ ဦးမျိုးတင့်ထူးနှင့် အဖွဲ့ဝင်များ၊ မြို့နယ်စိုက်ပျိုးရေးဦးစီးမှူးနှင့် ဝန်ထမ်းများ၊ တောင်သူများ ပူးပေါင်း၍ နွေစပါးစံကွက်ရိတ်သိမ်းခြင်း ဆောင်ရွက်ခဲ့ရာ တစ်ဧကလျှင်အထွက်နှုန်း ၉၅ တင်း(အစိုအထွက်တင်း)ထွက်ရှိသည့် မင်းလှမြို့နယ်အနေဖြင့် နွေစပါးရာသီတွင် ရေဆင်းပေါ်ဆန်း စပါးဧက ၄၀ အား မျိုးစေ့ထုတ်စိုက်ပျိုးထားရှိပြီး မိုးစပါးတွင် တိုးချဲ့စိုက်ပျိုးနိုင်ရေး တောင်သူများအား ဖြန့်ဖြူးပေးမည်ဖြစ်ကြောင်း သိရသည်။

ပေါက်စ(မင်းလှ)