ဂျပန်နိုင်ငံတောင်ပိုင်း အိုကီနာဝါအနီးတွင် ပြင်းအား ၅ ဒသမ ၉ ပမာဏရှိ ငလျင်လှုပ်ခတ်

မေ ၂၁

ဂျပန်နိုင်ငံတောင်ပိုင်းအိုကီနာဝါကျွန်းကြီးအနီးတွင် ပြင်းအား ၅ ဒသမ ၉ အဆင့်ရှိ ငလျင် လှုပ်ခတ်ခဲ့ရာ  ဂျပန်ငလျင်စကေး ၀ မှ ၇ အထိ သတ်မှတ်ချက်တွင် အဆင့် ၅ အထက်ရှိ ပြင်းအားရှိသည်ဟု မိုးလေဝသအေဂျင်စီက ပြောကြားခဲ့သည်။ ဆူနာမီအန္တရာယ် မရှိကြောင်း ဖော်ပြထားသည်။

အဆိုပါငလျင်သည် မြေအောက်အနက် ၅၀ ကီလိုမီတာတွင် လှုပ်ခတ်ခဲ့သည်ဟု  အေဂျင်စီက ဆိုသည်။  ကာဂိုရှီးမားစီရင်စုရှိ ယိုရွန်မြို့တွင် အပြင်းထန်ဆုံး တုန်ခါမှုကို ကြုံတွေ့ခဲ့ရကြောင်းနှင့် နောက်ဆက်တွဲ ငလျင်များ လှုပ်ခတ်နိုင်ကြောင်း တာဝန်ရှိသူများက သတိပေးပြောကြားလျက်ရှိသည်။

ထိုအေဂျင်စီမှ အီဘီတာ အာယာတာကာက  ငလျင်လှုပ်ခတ်မှု အထူးပြင်းထန်သော ဒေသများတွင် အဆင့် ၅ အထက် ပြင်းအားရှိသော ငလျင်များအတွက် သီတင်းတစ်ပတ်ခန့် သတိထားကြရန်၊ အထူးသဖြင့် နောက်နှစ်ရက်မှ သုံးရက်အတွင်း ပြင်းထန်သော ငလျင်လှုပ်ခတ်မှုများ ဖြစ်နိုင်ခြေရှိကြောင်း ပြောကြားခဲ့သည်။

အပြင်းထန်ဆုံး တုန်ခါမှုကို ကြုံတွေ့ခဲ့ရသော ဒေသများတွင် ကျောက်တုံးများ ပြုတ်ကျခြင်း သို့မဟုတ် မြေပြိုခြင်း အန္တရာယ်မြင့်တက်လာသည်ဟု အေဂျင်စီက ထပ်လောင်းပြောကြားခဲ့သည်။ ပြင်းအား အဆင့် ၅ သို့မဟုတ် ယင်းထက်ပိုသော ငလျင်များသည် ဒေသတွင်းတွင် ရံဖန်ရံခါ ဖြစ်ပွားလေ့ရှိသည်ဟု တာဝန်ရှိသူများက ပြောကြားခဲ့သည်။

ကိုးကား-အင်န်အိတ်ချ်ကေ

ဘာသာပြန်-မြင့်မြင့်ချို