ပြည်ထောင်စုဝန်ကြီး ဒေါက်တာချာလီသန်း ကြိတ်လုံးနှစ်လုံးတပ် ဝါကြိတ်စက် စမ်းသပ် လည်ပတ်နေမှု ကြည့်ရှုစစ်ဆေး

 နေပြည်တော် မေ ၂၂

 

စက်မှုနှင့် အသေးစား၊ အငယ်စား၊ အလတ်စားနှင့် စီးပွားရေးလုပ်ငန်းများ ဖွံ့ဖြိုးတိုးတက်ရေး ဝန်ကြီးဌာန ပြည်ထောင်စုဝန်ကြီး ဒေါက်တာချာလီသန်းနှင့် ဒုတိယဝန်ကြီး ဦးသွင်အောင်တို့သည် ယနေ့ မွန်းလွဲပိုင်းတွင် မန္တလေးတိုင်းဒေသကြီး ရမည်းသင်းမြို့ရှိ ဝါကြိတ်စက်ရုံ (ရမည်းသင်း) သို့ ရောက်ရှိပြီး ကာကွယ်ရေးဝန်ကြီးဌာန ကာကွယ်ရေးပစ္စည်း ထုတ်လုပ်ရေးအရာရှိချုပ်ရုံးမှ စမ်းသပ် ထုတ်လုပ်ထားသည့် ကြိတ်လုံးနှစ်လုံးတပ် ဝါကြိတ်စက်ဖြင့်ဝါများစမ်းသပ်ကြိတ်နေမှု အခြေအနေတို့ကို ကြည့်ရှုစစ်ဆေးသည်။

 

ကြည့်ရှုစစ်ဆေးစဉ် ပြည်ထောင်စုဝန်ကြီးက ဝါကြိတ်စက် စမ်းသပ်လည်ပတ်နေစဉ်အတွင်း တွေ့ရှိခဲ့သည့် အားနည်းချက်များကို မွမ်းမံပြင်ဆင်ခြင်းများ ဆောင်ရွက်ခဲ့သဖြင့် အဆင့်တစ်ခုအထိ အောင်မြင်မှုများ ရရှိနေပြီဖြစ်၍ အရည်အသွေးပိုမိုကောင်းမွန်စေရေး ဆက်လက်ကြိုးစား ဆောင်ရွက်ရန်၊ စမ်းသပ်ထုတ်လုပ်ထားသည့် ဝါကြိတ်စက်သည် သတ်မှတ်ထားသည့် အရည်အသွေး စွမ်းဆောင်ရည်များရရှိပြီးပါက MSME လုပ်ငန်းရှင်များသို့ နည်းပညာများ လွှဲပြောင်းပေးသွားမည်ဖြစ်၍ ကြိုတင်ပြင်ဆင် ဆောင်ရွက်ထားရှိရမည်ဖြစ်ကြောင်း မှာကြားခဲ့ကြောင်း သိရသည်။

 

သတင်းစဉ်