ဒုတိယမြို့တော်ဝန် ဦးဝင်းမိုးခိုင် ဇေယျာသီရိမြို့နယ် ရန်ကုန်-မန္တလေး လမ်းဟောင်းဘေးဝဲ/ယာ ရေနုတ်မြောင်းများတူးဖော်နေမှု ကွင်းဆင်းကြည့်ရှု

 

နေပြည်တော် မေ ၁၅

နေပြည်တော်ကောင်စီဝင် ဒုတိယမြို့တော်ဝန် ဦးဝင်းမိုးခိုင်သည် ယမန်နေ့မွန်းလွဲပိုင်းက နေပြည်တော်ကောင်စီနယ်မြေ ဇေယျာသီရိမြို့နယ်အတွင်းရှိ ရန်ကုန်-မန္တလေးလမ်းဟောင်း မိုင်တိုင် (၂၂၃/၀) နှင့် (၂၂၃/၆) အကြား လမ်းဘေးဝဲ/ယာရှိ ရေနုတ်မြောင်းများ ရေစီးရေလာကောင်းမွန်စေရေး တူးဖော်ဆောင်ရွက်နေမှုအခြေအနေကို ကွင်းဆင်းကြည့်ရှုစစ်ဆေးပြီး မိုးရာသီမရောက်မီကာလအတွင်း အချိန်မီပြင်ဆင်ဆောင်ရွက်သွားရန် မှာကြားသည်။

ပင်လောင်းလမ်းဆုံမှ အေလာလေဆိပ်လမ်းဆုံအကြား လမ်းဘေးဝဲ/ယာ တစ်လျှောက်ရှိ ရေနုတ်မြောင်းများ ရေစီးရေလာကောင်းမွန်စေရေး မိုးရာသီမတိုင်မီပြုပြင်ဆောင်ရွက်နိုင်ရန် စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာန၊ ဆောက်လုပ်ရေးဝန်ကြီးဌာနနှင့် နေပြည်တော်စည်ပင်သာယာရေးကော်မတီတို့က အပိုင်းလိုက် တာဝန်ခွဲဝေဆောင်ရွက်လျက်ရှိကြောင်း သိရသည်။

သတင်းစဉ်