သီရိလင်္ကာနိုင်ငံရှိ သက်ကြီးရွယ်အိုစောင့်ရှောက်ရေးဂေဟာ မီးလောင်မှုကြောင့် ၁၂ ဦး သေဆုံး

ကိုလံဘို  ဇွန်  ၄

သီရိလင်္ကာနိုင်ငံ     အနောက်ပိုင်းပြည်နယ်ရှိ သက်ကြီးရွယ်အိုစောင့်ရှောက်ရေး     ဂေဟာတစ်ခုတွင်  ဇွန် ၃ ရက် ညနေပိုင်းက မီးလောင်မှုဖြစ်ပွားခဲ့ရာ လူ  ၁၂  ဦး   သေဆုံးခဲ့ကြောင်း ဒေသဆိုင်ရာရဲတပ်ဖွဲ့က  ဇွန်   ၄   ရက်တွင် ပြောကြားသည်။

အန်ဂူရူဝါတိုတာမြို့     ဟိုရာနာဒေသရှိ အဆိုပါဂေဟာ၌      မီးလောင်မှုဖြစ်ပွားခဲ့ပြီး နောက် ကယ်ဆယ်ရေး အဖွဲ့များက အဆောက်အအုံအတွင်းမှ လူ ၄၄ ဦးကို ဘေးလွတ်ရာသို့ ရွှေ့ပြောင်းပေးနိုင်ခဲ့ကြောင်း၊    ဒဏ်ရာရရှိသူ ခုနစ်ဦးကိုလည်း  အနီးရှိဆေးရုံသို့ ပို့ဆောင်ကုသပေးခဲ့ကြောင်း      အာဏာပိုင်များက ပြောကြားသည်။

လက်ရှိတွင် လူသုံးဦးပျောက်ဆုံးနေဆဲဖြစ်ပြီး မီးလောင်မှုဖြစ်ပွားရသည့် အကြောင်းရင်းကို    စုံစမ်းစစ်ဆေးနေဆဲဖြစ်ကြောင်း အာဏာပိုင်များက ပြောကြားသည်။

ဆင်ဟွာ