နတ်တလင်းမြို့နယ်၌ စာစီစာကုံး၊ ပန်းချီပြိုင်ပွဲ ကျင်းပ

 

နတ်တလင်း ဇွန် ၁၀

 

ပဲခူးတိုင်းဒေသကြီး နတ်တလင်းခရိုင် အမျိုးသမီးရေးရာအဖွဲ့က ကြီးမှူးကျင်းပသော မြန်မာအမျိုးသမီးများနေ့ကို ကြိုဆိုဂုဏ်ပြုသောအားဖြင့် စာစီစာကုံး၊ ပန်းချီပြိုင်ပွဲကို ဇွန် ၈ ရက်က နတ်တလင်းမြို့ အခြေခံပညာအထက်တန်းကျောင်း၌ ကျင်းပသည်။

 

အဆိုပါပြိုင်ပွဲကျင်းပနေမှုကို နတ်တလင်းခရိုင် အမျိုးသမီးရေးရာအဖွဲ့ဥက္ကဋ္ဌ ဒေါ်ဥမ္မာမြင့်နှင့် အဖွဲ့ဝင်များ၊ ခရိုင်ပညာရေးမှူးရုံးမှ လက်ထောက်ညွှန်ကြားရေးမှူး ဦးကျော်မိုး၊ ခရိုင်အတွင်းရှိ မြို့နယ်အခြေခံပညာကျောင်းများမှ ဆရာ ဆရာမများက ကြီးကြပ်ဆောင်ရွက်ပြီး ဆုရကျောင်းသား ကျောင်းသူများအား ခရိုင်အမျိုးသမီးရေးရာအဖွဲ့ဥက္ကဋ္ဌနှင့် အဖွဲ့ဝင်များ၊ တာဝန်ရှိသူများက ဆုများ၊ ဂုဏ်ပြုမှတ်တမ်းလွှာများ ပေးအပ်ချီးမြှင့်ခဲ့ကြောင်း သိရသည်။

ဝေယံဖြိုး(ပြန်/ဆက်)