အာဖဂန်နစ္စတန်နိုင်ငံ၌ ယခုနှစ်အတွင်း ဂျုံထွက်ရှိမှု ၁၃ ဒသမ ၄ ရာခိုင်နှုန်းမြင့်တက်

အောက်တိုဘာ ၂၁

အာဖဂန်နစ္စတန်နိုင်ငံတွင် ယခုနှစ် ဂျုံရိတ်သိမ်းမှုမှ ဂျုံတန်ချိန် ၅ ဒသမ ၁၅ သန်း ထွက်ရှိခဲ့ပြီး ယမန်နှစ်ကဂျုံထွက်ရှိမှုနှင့်နှိုင်းယှဉ်ပါက ၁၃ ဒသမ ၄ ရာခိုင်နှုန်း မြင့်တက်လာကြောင်း စိုက်ပျိုးရေး၊ ဆည်မြောင်းနှင့် မွေးမြူရေးဝန်ကြီးဌာနက ယမန်နေ့ကထုတ်ပြန်ခဲ့သည်။

ယခုနှစ်တွင် ဂျုံစိုက်ပျိုးဧရိယာ ဟက်တာ ၁ ဒသမ ၉၇ သန်းရှိပြီး ယင်းပမာဏသည် နိုင်ငံ၏ စိုက်ပျိုးနိုင်သော မြေဧရိယာစုစုပေါင်း၏ ၆၈ ရာခိုင်နှုန်းခန့်နှင့် ညီမျှကြောင်း ထုတ်ပြန်ချက်တွင် ဖော်ပြထားသည်။

ဂျုံထွက်ရှိမှု တိုးတက်လာသော်လည်း ယခုနှစ်အတွက် နိုင်ငံ၏ ဂျုံလိုအပ်ချက်မှာ တန်ချိန် ၇ ဒသမ ၀၉ သန်းရှိနေသဖြင့် လိုအပ်ချက်နှင့် ထုတ်လုပ်မှုအကြား ဂျုံတန်ချိန် ၁ ဒသမ ၉၄ သန်း လိုအပ်နေဆဲဖြစ်ကြောင်း ဝန်ကြီးဌာနက ပြောကြားခဲ့သည်။

ပြီးခဲ့သည့်နှစ်တွင် ဆည်ရေသွင်းစိုက်ပျိုးမြေများနှင့် မိုးရေကိုအားထားစိုက်ပျိုးသည့် မြေများ စုစုပေါင်း ဟက်တာ ၁ ဒသမ ၈၉ သန်းတွင် ဂျုံစိုက်ပျိုးခဲ့ပြီး ဂျုံတန်ချိန် ၄ ဒသမ ၅၄ သန်း ထုတ်လုပ်နိုင်ခဲ့သည်ဟု သိရသည်။

ကိုးကား-ဆင်ဟွာ

ဘာသာပြန်-မြင့်မြင့်ချို