၂၀၂၆ ခုနှစ် (၅)ကြိမ်မြောက် အာရှမသန်စွမ်းသူများအားကစားပြိုင်ပွဲတွင် မြန်မာရေကူးအားကစားအဖွဲ့မှ ညီညီလင်းထက်က ဒုတိယမြောက်ကြေးတံဆိပ်ဆုကို ထပ်မံဆွတ်ခူးရရှိ

 

နေပြည်တော် အောက်တိုဘာ ၂၀

ဂျပန်နိုင်ငံ   နာဂိုယာမြို့တွင် ကျင်းပလျက်ရှိသည့်   (၅)ကြိမ် မြောက် အာရှမသန်စွမ်းသူများ အားကစားပြိုင်ပွဲသို့ မြန်မာ မသန်စွမ်းအားကစားအဖွဲ့ခေါင်းဆောင် ကာကွယ်ရေးဦးစီးချုပ်ရုံး(ကြည်း)မှ ဗိုလ်ချုပ်ကျော်ကျော်ဦးနှင့်အတူ မြန်မာနိုင်ငံ  မသန်စွမ်းအားကစားအဖွဲ့ချုပ်မှ ဒုတိယဥက္ကဋ္ဌ (လေ့ကျင့်) ဦးဝင်းမြင့်၊ အုပ်ချုပ်သူ/နည်းပြများနှင့် မသန်စွမ်းအားကစားသမား စုစုပေါင်း ၁၅ ဦးတို့သည် ယနေ့ဒေသစံတော်ချိန် နံနက်ပိုင်းမှစတင်၍   ပြေးခုန်ပစ်၊  ရေကူးအားကစားနည်း နှစ်နည်းတို့တွင်  ဝင်ရောက်ယှဉ်ပြိုင်ခဲ့ကြသည်။

မြန်မာမသန်စွမ်း  ရေကူးအားကစားအဖွဲ့သည်  ယနေ့ မသန်စွမ်းရေကူးအားကစားနည်း အမျိုးသား မီတာ ၅၀ ရင်ပေါင်တန်းကူး(Men’s 50 m Breast-stroke SB3 ) ပြိုင်ပွဲတွင်  ဂျပန်၊ တောင်ကိုရီးယား၊ ကာဇက်စတန်၊ ဖိလစ်ပိုင်၊ ထိုင်း၊ ဗီယက်နမ်နှင့် မြန်မာအသင်းတို့   ဝင်ရောက်ယှဉ်ပြိုင်ခဲ့ရာ  မြန်မာအသင်းမှ ညီညီလင်းထက်က ၅၉.၃၀ စက္ကန့်ဖြင့်  မြန်မာနိုင်ငံအတွက် ဒုတိယမြောက်  ကြေးတံဆိပ်ဆု ထိုက်ထိုက်တန်တန် ထပ်မံဆွတ်ခူး ရယူပေးနိုင်ခဲ့သည်။

မြန်မာမသန်စွမ်း အားကစားအဖွဲ့အနေဖြင့် အောက်တိုဘာ ၂၁ ရက် ၁၈:၅၀ နာရီတွင် မသန်စွမ်းပြေးခုန်ပစ်ပြိုင်ပွဲများအဖြစ် အမျိုးသားမီတာ ၁၀၀ ပြေးခုန်ပစ် ပြိုင်ပွဲ၌ မြန်မာအသင်းမှ စိုးပေ ကလည်းကောင်း၊ ၁၉:၅၈ နာရီတွင်    အမျိုးသမီး   မီတာ ၁၀၀  ပြေးခုန်ပစ်ပြိုင်ပွဲတွင် လော်လာဝင်းတို့ကလည်းကောင်း  ဆက်လက်ယှဉ်ပြိုင်သွားမည်ဖြစ်ပြီး  ရေကူးအားကစားနည်းမှ ပြိုင်ပွဲယှဉ်ပြိုင် ရန်မရှိပါကြောင်းနှင့် အောက်တိုဘာ  ၂၂ ရက်တွင် မြန်မာအသင်းမှ ညီညီလင်းထက်က အမျိုးသား မီတာ ၁၅၀ တစ်ဦးချင်း လေးမျိုးကူးနှင့် ၂၃ ရက်တွင် မီတာ ၁၀၀ အလွတ်ကူးပြိုင်ပွဲတို့ကိုလည်းကောင်း အသီးသီးဆက်လက် ဝင်ရောက်ယှဉ်ပြိုင်သွားမည်ဖြစ်ကြောင်း သိရသည်။

သတင်းစဉ်