ဖားကန့်နယ်မြေအတွင်း သဘာဝဘေးအန္တရာယ်ဖြစ်ပေါ်လာနိုင်သည့် မှော်လုပ်ကွက်၊ ကျင်းဟောင်း၊ ကမ်းပါးယံများတွင် အန္တရာယ်သတိပေးဆိုင်းဘုတ်များ စိုက်ထူ

ဖားကန့်  ၁၃ ဇွန် 

 

ဖားကန့်မြို့နယ် သဘာဝဘေးအန္တရာယ်ဆိုင်ရာစီမံခန့်ခွဲမှုအဖွဲ့တွင်ပါဝင်သော မြို့နယ်အဆင့်ဌာနဆိုင်ရာ များသည် အဖွဲ့(၂)ဖွဲ့ခွဲကာ လုံးခင်း၊ ဖားကန့်ရတနာနယ်မြေအတွင်း သဘာဝဘေးအန္တရာယ် ဖြစ်ပေါ်လာနိုင်သည့် မှော်လုပ်ကွက်၊ ကျင်းဟောင်း၊ ကမ်းပါးယံနေရာများတွင် ​မြေပြိုခြင်းနှင့် ကျင်းကမ်းပါယံမှပြုတ်ကျခြင်းများမဖြစ်ပေါ်စေရန် ဇွန် ၁၂ ရက် မနက်ပိုင်းက အန္တရာယ်သတိပေးဆိုင်းဘုတ်များ စိုက်ထူခဲ့ကြောင်း သိရသည်။ 

 

အဆိုပါ အန္တရာယ်သတိပေးဆိုင်းဘုတ်များ စိုက်ထူခြင်းကို ဌာနဆိုင်ရာများ ပါဝင်သော အဖွဲ့(၁)သည် လုံးခင်းကျေးရွာအုပ်စု၊ မှော်စီစာလုပ်ကွက် ကျင်းဟောင်းကမ်းပါးယံအနီး၊ မော်ဝမ်းရပ်ကွက်၊ မော်မောင်း၊ မော်ဝမ်းလေး၊ မော်ဝမ်းကြီး မှော်လုပ်ကွက်ကျင်းဟောင်းနှင့် ရေကန်အနီး၊ အေးမြသာယာရပ်ကွက်ရှိ ရှရော်ခမှော်/ မနမှော်ကမ်းပါးယံနှင့် ကျင်းဟောင်းရေကန်အနီး၊ ဖားပြင်မှော်/ မက်လင်ချောင်မှော် လုပ်ကွက်ကမ်းပါးယံနှင့် ကျင်းဟောင်းရေကန်အနီးနှင့်ဌာနဆိုင်ရာများ ပါဝင်သော အဖွဲ့(၂)သည် ဆိပ်မူကျေးရွာအုပ်စု၊ ဝှေခါမှော် ခကျန်ကျေးရွာ/ လခူးချောင်ကျေးရွာ၊ နမ့်မှော်၊ ဝါကျဲမှော်၊ ငိုးပင်းမှော်၊ စပေါ့မှော်၊ ဘဇံချောက်မှော်၊ ကရင်ချောင်မှော်၊ မှော်လကင်မှော် လုပ်ကွက်ကျင်းဟောင်းရေကန်နှင့် ကမ်းပါးယံအနီးနေရာများတို့တွင် အန္တရာယ်သတိပေးဆိုင်းဘုတ်များ စိုက်ထူခဲ့ကြသည်။

 

 မြို့နယ်(ပြန်/ဆက်)