တောင်ကိုရီးယားနိုင်ငံ၌ သုံးရက်ဆက်တိုက် ကိုဗစ် - ၁၉ ကူးစက်မှု စံချိန်တင်များပြား

 

ဆိုးလ် ဇူလိုင် ၁၁

တောင်ကိုရီးယားနိုင်ငံ၏ နေ့စဉ်ကိုဗစ် -၁၉ ကူးစက်မှုနှုန်းမှာ သုံးရက်ဆက်တိုက် စံချိန်တင်များပြားလျက်ရှိပြီး ဆိုးလ်မြို့ ဧရိယာတစ်ဝိုက်တွင် တင်းကျပ်သည့် ကိုဗစ်-၁၉ စည်းကမ်းများ ချမှတ်ထားရသည်။ ဇူလိုင် ၉ ရက် ညသန်းခေါင်ယံတွင် ကူးစက်ခံရသူပေါင်း ၁၃၇၈ ဦး တိုးလာခဲ့သည်။

နေ့စဉ်ကူးစက်မှု ၁၂၀၀ အထက်တွင် ရှိနေသည်မှာလည်း လေးရက်ဆက်တိုက်ရှိပြီဖြစ်သည်။ ဆိုးလ်မြို့ အနီးတစ်ဝိုက်တွင် အစုလိုက်ကူးစက်မှုမှတစ်ဆင့် ကူးစက်မှုများ ပြန်လည်များပြားလာခြင်းဖြစ်သည်ဟု ယူဆရသည်။ နောက်ထပ်ကူးစက်ခံရသူများထဲတွင် ဆိုးလ်ဒေသခံ ၅၀၁ ဦး၊ ဂယောင်းဂီပြည်နယ်မှ ၄၄၁ ဦးဟု သိရသည်။

နိုင်ငံရပ်ခြားမှကူးစက်လာသူ ၄၈ ဦး ရှိသည်။ ကိုဗစ်-၁၉ နှင့် ဆက်စပ်ပြီး နောက်ထပ်နှစ်ဦး သေဆုံးခဲ့သည့်အတွက် သေဆုံးသူ ၂၀၃၈ ဦးရှိလာသည်။ နိုင်ငံအတွင်း လူပေါင်း ၁ဝ ဒသမ ၈၈ သန်းကို ဆေးစစ်ပေးမှုများ လုပ်ဆောင်ပေးခဲ့ပြီးဖြစ်သည်။ တောင်ကိုရီးယားနိုင်ငံတွင် ဖေဖော်ဝါရီ ၂၆ ရက်ကတည်းက ကာကွယ် ဆေးထိုးနှံပေးမှုများ စတင်ပြုလုပ်ခဲ့ပြီး နှစ်ကြိမ်တိုင်တိုင် ကာကွယ်ဆေးထိုးပြီးသူ ၅၈၀၁၉၉၇ ဦးရှိသည်ဟု သိရသည်။

ဆင်ဟွာ