ကွန်ပျူတာတက္ကသိုလ်(လားရှိုး)တွင် မောင်မယ်သစ်လွင်ကြိုဆိုပွဲကျင်းပ

 

လားရှိုး  နိုဝင်ဘာ   ၂၂

ရှမ်းပြည်နယ်(မြောက်ပိုင်း)၊ လားရှိုးမြို့ ကွန်ပျူတာတက္ကသိုလ် ဘွဲ့နှင်းသဘင်ခန်းမ၌ နိုဝင်ဘာ ၂၂ ရက်က ၂၀၂၂-၂၃ ပညာသင်နှစ်  မောင်မယ်သစ်လွင်ကြိုဆိုပွဲ အခမ်းအနားကျင်းပရာ တာဝန်ခံပါမောက္ခချုပ် ဒေါက်တာနန်းစိုးစိုးအောင်၊ ဒုတိယပါမောက္ခချုပ်နှင့် ပါမောက္ခဆရာ ဆရာမများ၊ ကျောင်းသား ကျောင်းသူများ တက်ရောက်ခဲ့ကြသည်။

အခမ်းအနားတွင် လားရှိုးကွန်ပျူတာတက္ကသိုလ် တာဝန်ခံပါမောက္ခချုပ် ဒေါက်တာနန်းစိုးစိုးအောင်နှင့် ဒုတိယပါမောက္ခချုပ် ဒေါက်တာမျိုးမင်းသန်းတို့က ကြိုဆိုနှုတ်ခွန်းဆက်စကား ပြောကြားခဲ့သည်။ ထို့နောက် ကျောင်းသားများကိုယ်စား ကျောင်းသားတစ်ဦးက ကြိုဆိုနှုတ်ဆက်စကား ပြောကြားခဲ့ပြီး ပထမနှစ်ကျောင်းသားတစ်ဦးက ကျေးဇူးတင်စကား ပြောကြားခဲ့သည်။

ထို့နောက် တာဝန်ခံပါမောက္ခ ချုပ် ဒေါက်တာနန်းစိုးစိုးအောင်၊ ဒုတိယပါမောက္ခချုပ်နှင့် ပါမောက္ခ ဆရာ /ဆရာမများ၊ ကျောင်းသား/ကျောင်းသူများက ကွန်ပျူတာတက္ကသိုလ်ရှေ့တွင် စုပေါင်းမှတ်တမ်းတင် ဓာတ်ပုံရိုက်ကူးခဲ့ကြောင်း သိရသည်။

(စိုင်းအောင်ကျော်စိုး)