ညောင်ဦး - ကျောက်ပန်းတောင်း ကားလမ်း မိုင်တိုင်အမှတ် ၁၂/၃ နှင့် ၁၂/၄ အကြားတွင် ဆီသယ်ယာဉ်တစ်စီး မီးလောင်
နေပြည်တော် မေ ၂၆
ညောင်ဦးမြို့နယ်၊ တောင်ဇင်းနယ်မြေ၊ ဝါခင်းကြီး ကျေးရွာအနီး၊ ညောင်ဦး - ကျောက်ပန်းတောင်း ကားလမ်းမကြီး၊ မိုင်တိုင်အမှတ် ၁၂/၃ နှင့် ၁၂/၄ အကြားတွင် မေ ၂၆ ရက် နံနက် ၁၁ နာရီခန့်က ရေနံစိမ်းများ သယ်ဆောင်လာသော ယာဉ်အမှတ် 1C/ ------- အဖြူရောင် ၁၂ ဘီး ယာဉ်တစ်စီး မီးလောင်မှု ဖြစ်ပွားခဲ့ကြောင်း သိရသည်။
မီးလောင်ကျွမ်းမှုဖြစ်ပွားရာသို့ ညောင်ဦးမြို့နယ် မီးသတ်တပ်ဖွဲ့ဝင် ၂၇ ဦး၊ မီးသတ်ယာဉ် ငါးစီးဖြင့် သွားရောက်ငြှိမ်းသတ်ခဲ့ရာ နံနက် ၁၁ နာရီ ၁၇ မိနစ်တွင် မီးငြိမ်းခဲ့ကြောင်းနှင့် ဖြစ်စဉ်ကြောင့် လူထိခိုက်မှု မရှိခဲ့ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။
MDN
No comments