မိတ္ထီလာတက္ကသိုလ်၌ အမျိုးသားပိုက်ကျော်ခြင်းပြိုင်ပွဲ ဖွင့်ပွဲကျင်းပ

မိတ္ထီလာ ဇွန်၄

မန္တလေးတိုင်းဒေသကြီး မိတ္ထီလာတက္ကသိုလ်၏ ၂ဝ၂၂-၂ဝ၂၃ ပညာသင်နှစ် အမျိုးသား ပိုက်ကျော်ခြင်းပြိုင်ပွဲ ဖွင့်ပွဲကို ဇွန် ၄ ရက် နံနက်ပိုင်းက အဆိုပါတက္ကသိုလ် အားကစားခန်းမ၌ ကျင်းပခဲ့သည်။

အခမ်းအနားတွင် ပါမောက္ခချုပ် ဒေါက်တာဘဟန်က အဖွင့်အမှာစကားပြောကြားပြီး ပိုက်ကျော်ခြင်းပြိုင်ပွဲကို ဖွင့်လှစ်ပေးသည်။ ထို့နောက် အရှေ့တိုင်းပညာအသင်းနှင့် ရူပဗေဒအသင်းတို့ ယှဉ်ပြိုင်ကစားကြရာ အရှေ့တိုင်းပညာအသင်းက နှစ်ပွဲပြတ်ဖြင့် အနိုင်ရရှိသည်။ ပိုက်ကျော်ခြင်းပြိုင်ပွဲတွင် အုပ်စု(က)၌ မြန်မာစာ၊ အရှေ့တိုင်းပညာ၊ ရူပဗေဒ၊ အုပ်စု(ခ)၌ သင်္ချာ၊ ဘူမိဗေဒ၊ သတ္တဗေဒ၊ အုပ်စု(ဂ)၌ ရုက္ခဗေဒ၊ သမိုင်း၊ ဓာတုဗေဒ၊ အုပ်စု(ဃ)၌ ဥပဒေပညာ၊ အင်္ဂလိပ်စာနှင့် ပထဝီဝင်တို့ ပါဝင်ယှဉ်ပြိုင်ကြသည်။

ချမ်းသာ(မိတ္ထီလာ)