ပုသိမ်ကြီးမြို့နယ်နှင့် သာစည်မြို့နယ်တို့တွင် စိတ်ကြွရူးသွပ်ဆေးပြားများ ဖမ်းဆီးရမိ
နေပြည်တော်၊ ဖေဖော်ဝါရီ ၂၁
ပုသိမ်ကြီးမြို့နယ်နှင့် သာစည်မြို့နယ်တို့တွင် စိတ်ကြွရူးသွပ်ဆေးပြားများ ဖမ်းဆီးရမိကြောင်း မြန်မာနိုင်ငံရဲတပ်ဖွဲ့မှ သိရသည်။
မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် ဖေဖော်ဝါရီ ၁၆ ရက် ည ၁၀ နာရီခွဲတွင် ပုသိမ်ကြီးမြို့နယ်၊ နန်းဦးလွင်ကျေးရွာအုပ်စု၊ ကန်ကောက် အရှေ့ကျေးရွာရှိ ဝင်းအောင် နှင့် မသန်းလှေ တို့၏ နေအိမ်တွင် မူးယစ်ဆေးဝါးများကို ဘေထုပ်အတွင်းထည့်၍ ဟုမ္မလင်းမြို့သို့ လူမဲ့တန်ဆာဖြင့် ပေးပို့မည်ဖြစ်ကြောင်းသတင်းအရ ဝင်ရောက် ရှာဖွေရာ ပလတ်စတစ်ဆပ်ပြာခွက် ၈၅၄ ခွက်ဖြင့်ထည့်လျက် ဘိန်းဖြူ ၈ ဒသမ ၅၄ ကီလို (တစ်ကီလိုလျှင် ၂၅၀ သိန်းနှုန်းဖြင့် ၎င်းဒေသတန်ဖိုးငွေ ၂,၁၃၅ သိန်း)သိမ်းဆည်းရမိခဲ့သည်။
ထို့ပြင် ပူးပေါင်းအဖွဲ့သည် ဖေဖော်ဝါရီ ၂၀ ရက် မွန်းလွဲ ၁ နာရီတွင် သာစည်မြို့နယ်၊ ကျွဲတပ်ဆုံကျေးရွာအုပ်စု၊ ကျွဲတပ်ဆုံ ကျေးရွာအနီးတွင် SCANIA အမျိုးအစား ခရီးသည်တင်မော်တော်ယာဉ်ကို ရပ်တန့်စစ်ဆေးရှာ ဖွေရာစိတ်ကြွရူးသွပ်ဆေးပြား ၂၀,၀၀၀ ပြား(တစ်ပြားလျှင် ၁၅၀၀ ကျပ် နှုန်းဖြင့် ၎င်းဒေသတန်ဖိုးငွေ ၃၀၀ သိန်း) သိမ်းဆည်းရမိခဲ့သဖြင့် ၎င်းတို့အား မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာ ဥပဒေအရ အရေးယူထားကြောင်း သိရသည်။
(သတင်းစဉ်)
No comments