အာဖဂန်နစ္စတန်နိုင်ငံ၌ ပိုလီယိုရောဂါကာကွယ်ဆေးတိုက်ကျွေးရေးလှုပ်ရှားမှုပြုလုပ်

ဖေဖော်ဝါရီ ၂၄

အာဖဂန်နစ္စတန်နိုင်ငံတွင် ပိုလီယိုရောဂါကူးစက်မှုမှကာကွယ်ရန် အသက်ငါးနှစ်အောက်ကလေးငယ် ၆ ဒသမ ၃ သန်းနီးပါး ပိုလီယိုကာကွယ်ဆေးတိုက်ကျွေးရေးလေးရက်တာလှုပ်ရှားမှုပြုလုပ်ကြောင်း ကျန်းမာရေးဝန်ကြီးဌာနက ယနေ့တွင် သတင်းထုတ်ပြန်ခဲ့သည်။

နိုင်ငံအတွင်းရှိပြည်နယ် ၃၄ ခုအနက် ပြည်နယ် ၁၆ ခုရှိ ကလေးငယ်များအား ပိုလီယိုကာကွယ်ဆေးတိုက်ကျွေးမှုကို ဖေဖော်ဝါရီ ၂၄ ရက်မှ ဖေဖော်ဝါရီ ၂၇ ရက်အထိ ပြုလုပ်သွားမည်ဖြစ်သည်ဟု ထိုဝန်ကြီးဌာန၏ပြောရေးဆိုခွင့်ရှိသူ ရှာရာဖတ်ဇာမန်အာမာခီလ်က ပြောကြားသည်။

ပိုလီယိုကာကွယ်ဆေးတိုက်ကျွေးရေးလှုပ်ရှားမှုကိုထိရောက်စွာဆောင်ရွက်နိုင်ရန် လူမျိုးစုအကြီးအကဲများ၊ ဘာသာရေး ဆရာများနှင့် မိဘများအား  အပြည့်အဝပံ့ပိုးကူညီပါဝင်ကြရန် ၎င်းက တိုက်တွန်ပြောကြေားထားသည်။ လွန်ခဲ့သောသီတင်းပတ်က အနောက်ပိုင်းဘတ်ဂစ်ပြည်နယ်တွင် ပိုလီယိုရောဂါဖြစ်ပွားသူတစ်ဦးတွေ့ရှိကြောင်း ကျန်းမာရေးဆိုင်ရာတာဝန်ရှိသူများက ဖော်ပြထားသည်။

ကိုးကား-ဆင်ဟွာ

ဘာသာပြန်-မြင့်မြင့်ချို