မွန်ဂိုလီးယားနိုင်ငံသို့ နိုင်ငံတကာခရီးသွား ၄၅၇၁၅၈ ဦး ဝင်ရောက်မှုရှိ

ဩဂုတ် ၂၀

မွန်ဂိုလီးယားနိုင်ငံသို့ ၂၀၂၅ ခုနှစ် ပထမခုနစ်လအတွင်း ခရီးသွား ၄၅၇၁၅၈ ဦး ဝင်ရောက်မှုရှိရာ ယခင်နှစ်က ခရီးသွားဝင်ရောက်မှုထက် ၂၁ ဒသမ ၅ ရာခိုင်နှုန်းမြင့်တက်ခဲ့ကြောင်း ယမန်နေ့ကဖော်ပြသောအချက်အလက်အရ သိရသည်။

အဆိုပါကာလအတွင်း နိုင်ငံသို့လာရောက်လည်ပတ်သောခရီးသွားများအနက် အများစုသည် တရုတ်နိုင်ငံမှဖြစ်သည်ဟု ဖော်ပြထားသည်။

ယဉ်ကျေးမှု၊ အားကစား၊ ခရီးသွားနှင့် လူငယ်ရေးရာဝန်ကြီးဌာန၏ပြောကြားချက်အရ လေးရာသီခရီးသွားလုပ်ငန်းဖွံ့ဖြိုးတိုးတက်မှုကိုမြှင့်တင်ရန် ၂၀၂၈ ခုနှစ်အထိ မွန်ဂိုလီးယားခရီးသွားနှစ် ခရီးသွားလုပ်ငန်းအစီအစဉ်ကိုဆက်လက်လုပ်ဆောင်ရန် အစိုးရအဖွဲ့က ဆုံးဖြတ်ခဲ့သည်ဟု သိရသည်။

၂၀၂၄ ခုနှစ်က နိုင်ငံတကာခရီးသွားဦးရေ ၇၂၇၄၀၀ လာရောက်ခဲ့ရာ ခရီးသွားကဏ္ဍမှအမေရိကန်ဒေါ်လာ ၁ ဒသမ ၆ ဘီလီယံဝင်ငွေရရှိခဲ့ကြောင်း သိရသည်။

ကိုးကား-ဆင်ဟွာ

ဘာသာပြန်-မြင့်မြင့်ချို