ဖိလစ်ပိုင်တွင် အကျင့်ပျက်ခြစားမှုတိုက်ဖျက်ရေးအဖွဲ့ ဖွဲ့စည်းတာဝန်ပေး

မနီလာ  စက်တင်ဘာ  ၁၅

ဖိလစ်ပိုင်သမ္မတ ဖာဒီနန်မားကို့စ်ဂျူနီယာသည် ယခင် နိုင်ငံတော်တရားရုံးချုပ်တရားသူကြီး အန်းဒရက်စ်ရေးရက်စ်ကို   အသစ်ဖွဲ့စည်းထားသော   အခြေခံအဆောက်အအုံဆိုင်ရာ  လွတ်လပ်သောကော်မရှင် (အိုင်စီအိုင်)ကို ဦးဆောင်ရန် စက်တင်ဘာ ၁၅ ရက်က ရွေးချယ်ခဲ့သည်။

အိုင်စီအိုင်သည်   လွန်ခဲ့သောဆယ်စုနှစ်များအတွင်း   ရေလွှမ်းမိုးမှုထိန်းချုပ်ရေးနှင့်   ဆက်စပ် စီမံကိန်းများတွင် အကျင့်ပျက်ခြစားမှု စွပ်စွဲချက်များကို စုံစမ်းစစ်ဆေးသွားမည်ဖြစ်သည်။ 

ဂို့စ်  ရေလွှမ်းမိုးမှုထိန်းချုပ်ရေးစီမံကိန်းနှင့် အခြေခံအဆောက်အအုံဆိုင်ရာ စီမံကိန်းနှင့်ပတ်သက်ပြီး ဆန္ဒဖော်ထုတ်မှုများ မြင့်တက်လာချိန်တွင် ယခုလို ကြေညာချက်ထွက်ပေါ်လာခြင်းဖြစ်သည်။ အဓိက ဆန္ဒဖော်ထုတ်ပွဲကို စက်တင်ဘာ ၂၁ ရက်တွင် စတင် ရန် သတ်မှတ်ထားကြသည်။

နိုင်ငံတစ်ဝန်း    ဆန္ဒဖော်ထုတ်ပွဲများအတွင်း အမိန့်ကြေညာချက်များကို   ထိန်းသိမ်းရာတွင် ရဲတပ်ဖွဲ့ဝင်များကို   ကူညီပံ့ပိုးရန်   ဖိလစ်ပိုင် တပ်မတော်က  စက်တင်ဘာ ၁၂  ရက်ကတည်းက အနီရောင်သတိပေးချက်   ထုတ်ပြန်ထားသည်။ အဆိုပါလုပ်ဆောင်ချက်ကို သက်ဆိုင်ရာတာဝန်ရှိသူ များက လုံခြုံရေးဆိုင်ရာ နေ့စဉ်လုပ်ထုံးလုပ်နည်းများအဖြစ် ဖော်ပြထားသည်။

ရေးရက်စ်သည် ယခင်အများပြည်သူလုပ်ငန်းရေးရာဝန်ကြီး ရိုချီလီယိုဆင်ဆန်နှင့် အက်စ်ဂျီဗွီ ကုမ္ပဏီစီမံခန့်ခွဲမှုမိတ်ဖက် ရော့စ်ဆာနာဖာဂျာဒိုနှင့် လက်တွဲလုပ်ဆောင်သွားမည်ဖြစ်ပြီး    ဘာကူအို  မြို့တော်ဝန်   ဘန်ဂျမင်န်မာဂါလောင်ဂျ်ကို   အထူး သံတမန်အဖြစ်ခန့်အပ်ခဲ့သည်။

အိုင်စီအိုင်သည် ဆင့်ခေါ်သက်သေများ၊ အစိုးရမှတ်တမ်းများရယူရန်နှင့် အရာရှိများနှင့် ကန်ထရိုက်တာများအား စွပ်စွဲထားသည့် အမှုတွဲများကို လွတ်လပ်၍ တရားမျှတစွာ စီမံဆောင်ရွက် ပိုင်ခွင့်ရှိသည်။ 

လက်ရှိလွှတ်တော်  စုံစမ်းစစ်ဆေးမှုများတွင် အမတ်များ၊  ကန်ထရိုက်တာများနှင့် ပြည်သူ့ အင်ဂျင်နီယာများသည် ပီဆိုဘီလီယံပေါင်းများစွာကို ရယူခဲ့သည်ဟု စွပ်စွဲခံထားရသော အမှုများတွင်  ပါ၀င်ပတ်သက်နေကြောင်း သိရသည်။     

ဆင်ဟွာ