ကမ္ဘာဂြိုဟ်နှင့် အလားသဏ္ဌာန်တူသည့် ဂြိုဟ်တစ်ခုရှာဖွေတွေ့ရှိ

နယူးယောက်   စက်တင်ဘာ   ၂၁

ကမ္ဘာဂြိုဟ်နှင့်   အလားသဏ္ဌာန်တူသည့်  ဂြိုဟ်တစ်ခုကို ရှာဖွေတွေ့ရှိခဲ့ပြီး အသေးစိတ်လေ့လာမှု များ ဆောင်ရွက်နေကြောင်း  အာကာသ သိပ္ပံပညာရှင်များက ပြောကြားသည်။

အဆိုပါဂြိုဟ်သည် ကမ္ဘာမှ အလင်းနှစ် ၄၀ ခန့်အကွာရှိ TRAPPIST-1  ဟုခေါ်သော ဂြိုဟ်ဖြစ်ပြီး ၂၀၁၆ ခုနှစ်တွင် ဘယ်လ်ဂျီယံ နက္ခတ္တဗေဒ ပညာရှင်ငါးဦးက ရှာဖွေတွေ့ရှိခဲ့သည်။ 

ယင်းဂြိုဟ်သည်   ကြာသပတေးဂြိုဟ်၏  အရွယ်နှင့်တူသည်ဟု ခန့်မှန်းထားကာ    ၎င်းတွင် လူသား များနေထိုင်သည့် ဇုန်အပါအဝင် သုံးစွဲရန်ရေရှိနိုင်သည်ဟု ဘယ်တီမိုးရှိ အာကာသသိပ္ပံအင်စတီကျုမှ နက်စတာအက်ပီနိုစာက ပြောကြားသည်။  “TRAPPIST-1 သည်   လူသားများနေထိုင်ရန်အတွက်  ဇုန်တစ်ခုဖြစ်လာနိုင်ပြီး  အသေးစိတ်အချက်အလက်များကို   သိရှိရေးအတွက် ထပ်မံလေ့လာမှုများ ဆောင်ရွက်မည်ဖြစ်ကြောင်း Massachusetts Institute of Technology မှ ဂြိုဟ်သိပ္ပံဆိုင်ရာ ပါမောက္ခ Sara Seager က ပြောကြားခဲ့သည်။

၎င်းဂြိုဟ်သည်သက်ရှိများအတွက်နေထိုင်ရန် လုံလောက်သည့် ဂြိုဟ်တစ်ခုဖြစ် မဖြစ်  ဆန်းစစ်မှု ဆောင်ရွက်မည်ဟု  တာဝန်ရှိသူများက ပြောကြားသည်။       

ကိုးကား - စီအင်န်အင်န်

ဘာသာပြန် - စိုးသူရ