စိတ်ပိုင်း၊ ရုပ်ပိုင်းဆိုင်ရာ နောက်ဆက်တွဲစောင့်ရှောက်မှုခံယူပြီးသည့် မူးယစ်ဆေးဖြတ် သင်တန်းသားများအား မိဘအုပ်ထိန်းသူထံ ပြန်လည်အပ်နှံ
ရန်ကုန်
နိုဝင်ဘာ ၂၉
စိတ်ပိုင်း၊
ရုပ်ပိုင်းဆိုင်ရာ နောက်ဆက်တွဲစောင့်ရှောက်မှုခံယူပြီးသည့် မူးယစ်ဆေးဖြတ်
သင်တန်းသားများအား မိဘအုပ်ထိန်းသူထံ ပြန်လည်အပ်နှံပွဲ ကို နိုဝင်ဘာ ၂၇ ရက်တွင်
ရန်ကုန် မြို့ တာမွေမြို့နယ် ကျိုက္ကဆံလမ်ရှိ မူးယစ်ဆေးစွဲသူများ
ပြန်လည်ထူထောင်ရေးအသင်း (မြန်မာ)ဗဟိုရုံး၌ ပြုလုပ်သည်။
သတိပြုရှောင်ရှား
အခမ်းအနားတွင်
မူးယစ်ဆေးစွဲသူများ ပြန်လည်ထူထောင်ရေး အသင်း(မြန်မာ)ဗဟိုမှ ဥက္ကဋ္ဌ ဦးစံရှိန်က မူးယစ်ဆေးဖြတ်
သင်တန်းသားများ၏ မိဘအုပ်ထိန်းသူများ သတိပြုရှောင်ရှားသင့်သည့် အကြောင်းအရာများကို ရှင်းလင်းပြောကြားပြီး
မူးယစ်ဆေးစွဲသူများ ပြန်လည်ထူထောင်ရေးအသင်း (မြန်မာ)ဗဟိုမှ ကျောင်းသားလူငယ်ထု
ဆက်သွယ်ရေးသံတမန် ဟာသသရုပ်ဆောင် လူရွှင်တော် ဦးချစ်ချောက မူးယစ်ဆေးဖြတ်ပြီး၍
နောက်ဆက်တွဲစောင့်ရှောက်မှု ခံယူပြီးသည့် မူးယစ်ဆေးဖြတ် သင်တန်းသားများအား ဘဝအောင်မြင်တိုးတက်စေရေးအတွက်
လမ်းညွှန်ဆုံးမစကား ပြောကြားကာ တာဝန်ရှိသူများက သင်တန်းဆင်းလက်မှတ်များ ပေးအပ်သည်။
မူးယစ်ဆေးစွဲသူများ ပြန်လည်ထူထောင်ရေးအသင်း (မြန်မာ) ဗဟိုအနေဖြင့်
မူးယစ်ဆေးစွဲလူနာများအား ရှာဖွေဖော်ထုတ်ခြင်း၊ ဆိုရှယ်မီဒီယာမှ ဆက်သွယ်လာသည့်
မူးယစ်ဆေးစွဲ လူနာများအား ဆေးရုံသို့ လွှဲပြောင်းညွှန်းပို့၍ ဆေးဖြတ်ပေးခြင်း၊ ဆေးရုံမှ
ပြန်ဆင်းလာသည့်အခါ ပြန်လည်ထူထောင်မှု လုပ်ငန်းများ ဆောင်ရွက်ပေးခြင်း၊ ပြန်လည်ထူထောင်မှုခံယူပြီးသူများအား
နောက်ဆက်တွဲ စောင့်ရှောက်မှုများ ဆောင်ရွက်ပေးခြင်းတို့ကို ၂၄ နာရီ ဝန်ဆောင်မှုပေးလျက်ရှိပြီး
ယခုနှစ် ဇန်နဝါရီ ၁ ရက်မှ ယနေ့အထိ မူးယစ်ဆေးဖြတ် သင်တန်းသား ၃၅၁ ဦးတို့အား
စိတ်ပိုင်း၊ ရုပ်ပိုင်းဆိုင်ရာ နောက်ဆက်တွဲ စောင့်ရှောက်မှု များ ဆောင်ရွက်ပေးနိုင်ခဲ့ကြောင်း
သိရသည်။
ကိုထက်
No comments