အောင်လံမြို့၌ ဒီဇင်ဘာ အားကစားလ လူထုလမ်းလျှောက်ပွဲ ကျင်းပ

အောင်လံ နိုဝင်ဘာ ၂၉

 

မကွေးတိုင်းဒေသကြီး အောင်လံမြို့၌ ၂၀၂၅ ခုနှစ် ဒီဇင်ဘာ အားကစားလ လူထုလမ်းလျှောက်ပွဲကို ယနေ့ နံနက် ၅ နာရီခွဲမှစတင်၍ အောင်လံမြို့ တရော်ကုန်းရပ်ကွက် (၁၁) လမ်း ဆုတောင်းပြည့် ရွှေပြောင်ပြောင်ဘုရားရှေ့စုရပ်မှ အောင်မြေရွှေဝါအားကစားကွင်းအထိ စုပေါင်းလမ်းလျှောက်သည်။

 

အဆိုပါ လူထုလမ်းလျှောက်ပွဲတွင် ခရိုင်စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌ ဦးသက်လွင်နှင့်အဖွဲ့ဝင်များ၊ မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌ ဦးလှရွှေနှင့်အဖွဲ့ဝင်များ၊ ခရိုင်/မြို့နယ်အဆင့် ဌာနဆိုင်ရာတာဝန်ရှိသူများနှင့် ဝန်ထမ်းများ၊ လူမှုရေးအသင်း အဖွဲ့များ၊ ရပ်ကွက်နေပြည်သူများနှင့် ကျောင်းသားကျောင်းသူများ စုစုပေါင်း ၅၅၀ ခန့် ပါဝင်လမ်းလျှောက်ခဲ့ကြပြီး သွေးပူလေ့ကျင့်ခန်းများ ပြလုပ်ခဲ့ကြသည်။ ထို့နောက် လမ်းလျှောက်ပွဲတွင် ပါဝင်သူများအား ကောက်ညှင်းပေါင်းများ ကျွေးမွေးခဲ့ကြောင်း သိရသည်။

 

မျိုးသိန်း(ပြန်/ဆက်)